首爾明洞12層DAISO重新開幕! 新增運動露營主題、室內裝飾收納、超抵寵物用品

2023.03.18

去過首爾旅行嘅朋友都知明洞其中一個地標就係樓高8層嘅 Daiso,夠大超好行,可惜疫情期間頂唔住暫時結業。近日終於傳嚟好消息,就係佢哋重新開幕,唔只翻新咗裝修,更加擴建至12層。每層唔同主題,由家居用品、廚房用具至運動露營用品都一應俱全,慢慢行足幾粒鐘,一定有收穫

明洞地標之一終於重新開幕!由8層增至12層,大家有排行啊!



每一層都新增咗主題打卡位,零食區夠晒色彩繽紛啱晒打卡!



第一層為季度商品及收銀;第二層為美容、時裝及飾品;第三層為文具、禮品包裝及數碼用品;第四層為卡通人物、兒童及派對用品;第五層則為食品及一次性用品。



第六層為陶瓷及玻璃餐具;第七層為廚房用品;第八層為浴室、清潔及洗衣用品;第九層為室內裝飾及收納用品。



第十層為園藝、仿真花及寵物用品;第十一層為工具、汽車用品及手工藝用品,而最後一層則是運動、露營及旅行用品。



店內設有洗手間,相當貼心。



今次新開張唔只吸引到旅客朝聖,連韓國人都紛紛前往,更寫Blog出post介紹心水產品。



Daiso其中一個吸引之處就係定期同迪士尼卡通人物聯乘合作,所以點少得呢個打卡位呢!



由於太多人幫襯,Daiso而家都新增咗自助付款機,不過只可以用卡支付。



前排香港好興嘅$12蚊店指甲油呢度都有,仲有兩部自訂款式指甲貼紙機,好得意啊!



最受歡迎嘅絕對係美妝樓層,多咗好多韓國本地品牌嘅化妝品同護膚品,全部1,000韓圜即港幣$7起,好抵買!



【INFO】
Daiso 明洞店
地址︰首爾中區退溪路 134-1(서울 중구 퇴계로 134-1)
營業時間︰每日10am-10pm


text/yuen
source/jjworld_4@IG、Naver Blog 찌멍할미、구구달달)


========
同場加映:
【家居達人】10個快速乾衣貼士 提高抽濕機效能、晾衫小妙招

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓《社群》寵物祭2023!3大重點送禮活動↓

↓貓狗奴有福了!立即參加守護毛孩健康!↓

↓貓狗奴有福了!立即參加守護毛孩健康!↓

↓《社群》「個人地圖」功能登場↓

去到邊 Share到邊~立即分享打卡日常!

去到邊 Share到邊~立即分享打卡日常!

評語

相關文章