港島大規模停電 第一時間要點做？ 水電師傅教路即時要熄呢樣電器
今日（4 月 19 日）凌晨0時48分左右，港島大規模停電，多區發生電壓驟降，亦有困𨋢報告。突然停電殺大家一個措手不及，如果好似網民分享，屋企短時間內都未能恢復供電的話，應該要做啲咩呢？停電後第一時間又要點處理呢？水電師傅胡師傳就為大規模停電，和單獨單位停電分享安全貼士。
============
同場加映：
【家居達人】「家務天后」教你KO屋企頑固污漬
============
港島大規模停電受影響範圍包括中西區、南區、東區、灣仔區等，有網民分享，東區部分屋邨及屋苑至凌晨 1 點仍未恢復供電，而部分互聯網供應商也未有訊號，影響更加廣及到東區走廊嘅街燈。
甚麼是電壓驟降？
CLP 中電網站分享，電壓驟降是指電壓降至標準值90%以下。一般來說，電壓驟降的維持時間大約 0.1 秒，供電電壓瞬間便會回復到標準值。電壓驟降時，供電並沒有中斷，但市民或會遇到燈光轉暗或閃爍、升降機停止運作，而一啲敏感的電力裝置例如電腦，升降機及冷氣系統等亦受影響。
電壓驟降的成因很多，當中包括外來因素，例如：惡劣天氣、植物及動物干擾、電力裝置故障、由第三者造成的故障、掘路工程導致地底電纜損毀等，港燈仍在調查是次大規模停電的事故原因。
電壓驟降當下要點做？
電壓驟降斷電大概 0.1 秒，好快就回復正常，但要採取甚麼行動呢？水電師傅胡師傳指電壓驟降問題在於電力供應商，每個用戶只要維持原狀便可。如果有電器本身用緊，但電壓驟降後無法運作的話，可以先切斷該電器電源，再檢查家中電箱是否有電掣未有啪上，電壓驟降有時會發生掣，重新打開電掣後可以打開電器，理應就可以如常運作。
每個家庭用電量最大是冷氣機，如遇上停電、跳掣情況，記得先熄窗口冷氣機嘅電源，並抆出插蘇，以免重啟電箱電力時再次發生停電、跳掣。
如只是個別單位停電、跳掣又要點做呢？
胡師傳建議先將有用緊嘅插住插蘇嘅電掣抆出，然後將電箱所有電掣關上，先打開漏電電掣，再將每個電掣逐一打開。過程中亦可自行搵到突然停電、跳掣嘅原因，每打開一個電掣，就重啟該範圍嘅電源、電器、插蘇，逐個嘗試就會發現到原因。但師傳話，現時家庭都常用火牛、變壓器，容易導致停電、跳掣情況發生。
做齊以上動作都未回復正常？就需要搵執照嘅電工師傳上門檢查維修，維修費大概由 $1,000-$1,600 不等。但要留意每家每戶情況及每個師傳收費不同，以上價錢只供參考。
未雨綢繆，CLP中電網站都有建議大家日常先準備好以下幾點：
1. 乾電電筒，避免使用蠟燭照明
2. 準備一兩個外置充電器
3. 停電後，雪櫃門只要保持緊閉狀態，可以保冷 4 小時。
Special thanks：胡師傅／好師傅 | 裝修搜尋平台
text/la
（圖片來源：HKET 圖片庫、CLP中電、網上圖片）
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
