打工仔驚揭新畢業同事薪水 學歷職位一樣!人工竟然「多幾千」?

文: 黃樂恩
2023.04.25

最近有打工仔在討論區發文,指新畢業同事明明與自己學歷、職位一樣,「但人工仲多我幾千蚊」,讓他感到心灰意冷想辭職。帖文一出,即引起網民熱烈討論,不過有網民直指樓主根本是自找麻煩,「人比人,比死人嘅道理都唔明?」,即入內文睇睇啦!

日前有網友在香港討論區以「發現新請返嚟個同事人工仲高過我...」為題發文,指公司最近有新同事入職,雖然公司有要求不能向同事透露個人薪金,但樓主還是抱著「好奇八卦下」心態前去詢問。

沒想到新同事如實告知,表示自己剛剛畢業,目前是他的第一份工作,也許是職場新人,對方很快便說出自己薪金。但樓主聽後感到十分不滿,直言對方明明與自己學歷、職位一樣,「但人工仲多我幾千蚊!聽完心理好似有啲唔平衡,做又做得耐過佢,學歷又一樣,但竟然少人工過佢,聽完真係好啲想辭職」。

帖文一出,隨即在網上引起熱烈討論,有人直指樓主根本是自找麻煩,「人比人,比死人嘅道理都唔明?」、「只能怪自己當初叫價太低,不能怪其他人」、「你同事可能作大條數,目的就是希望D老屎忽自行辭退」、「可能佢呃你姐,大家攞張糧單出黎對先再講」。

另外亦有部份網民認為,一般公司聘請新員工時需考慮不同因素,「大把理由。經驗好,親戚朋友,高學歷,靚女,睇你唔順眼...」、「新同事係咪靚女」、「係咪皇親國戚?」、「有時人工都睇樣既」,並建議樓主不妨出去見工,了解一下目前職位的「市價」是多少,「魚唔過塘唔肥」、「定期Check下需唔需要"轉工"是常識吧」、「下份工更好呢」、「如果後生仔就建議轉工啦」、「揾定份新工喇」。

來源:香港討論區

同場加映:【衝出嚟玩】日間船P散團出海玩足7小時!夾船單人報名都得!中環出發/包三餐/酒水任飲

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓