遺失八達通 消費券仲拎唔拎得返?要睇黃金3小時、報失及補領程序不可少

文: U Magazine
2023.05.06

今年第一期消費券經已喺4月中派發,高達七成市民以八達通領券,可見其使用率及普及性相當高。不過最近就有人分享跌咗八達通,裏面嘅消費券唔單止喺短短幾個鐘內用哂,八達通餘額更扣減至負百幾蚊,真係好肉赤啊!究竟跌咗八達通係咪一定拎唔返啲錢呢?原來要睇報失後嘅黃金3小時!

============

同場加映:
【蝸居睇樓團】屯門315呎一房單位變私人GYM房 
特色牆X迷你戲院、廚櫃連高身吧台夠慳位

============


只有個人八達通、銀行聯營手機八達通卡及八達通自動增值服務用戶可享用八達通報失服務。
報失八達通步驟:
1. 可前往八達通報失服務網站或致電八達通報失熱線2266 2266。
2. 提供個人資料如:香港身份證號碼及出生日期等。
3. 確認資料後就會收到一個報失編號確認報失成功及作記錄之用。



補領八達通費用:
1. 若遺失了個人八達通或附有自動增值服務嘅租用版八達通,失主需付港幣50元報失費用(包括手續費及該卡之成本費)。
2. 遺失了個人銷售版八達通、iPhone或Apple Watch內的個人八達通 ,失主則需支付港幤20元報失手續費。

領取新八達通:
成功報失八達通後,八達通公司會喺9個工作天內將新嘅八達通寄回客戶嘅登記地址,然後就可以帶同新卡及啟動信,到任何一個港鐵客務中心辦理啟動手續,而新嘅八達通內會存有遺失八達通嘅餘額。




轉移消費券登記安排:
1. 如已登記消費券嘅八達通卡遺失,可到消費券計劃 - 更改八達通卡網站轉移消費券。
2. 領取新八達通卡,並提供新八達通卡號碼。
3. 需提供登記參考編號,登記參考編號可在政府發出嘅消費券計劃短訊中查閱。
4. 成功登記後嘅9-10個工作天,會收到相關短訊。
5. 憑短訊到八達通服務站領取剩餘嘅消費券。



不過要注意嘅係,成功報失3小時內嘅交易款項仍需由失主本人自行承擔,失主只可取回成功報失3小時後嘅八達通餘額。換言之,就算報失咗八達通,都未必可以全數餘額拎得返,選擇用八達通領券嘅各位記得要小心啦~


Text/ Bee
Source/ 八達通

即睇更多電子消費券資訊

更多電子消費券資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓