港人北上睇醫生!做手術連住院1.5萬有找!大讚深圳醫院環境好價格平

文: 黃樂恩
2023.05.05

香港公營醫療系統長期超負荷,加上近年醫護人手失衡、慢性病群體增加,專科門診、非緊急手術輪候時間長,有港人開始選擇前往內地就醫。最近有網民網上發文分享自己深圳睇醫生經過,不單止大讚深圳醫院環境好且價格便宜,自費做手術連住院約港幣$14,700,其後更直言「香港睇醫生係受罪」,有興趣可入內文睇睇啦!

日前有網民在社交平台Facebook群組「深圳大灣區吃喝玩樂開心分享區」上發文,分享自己到深圳睇醫生經過。當時樓主與太太去了深圳翠竹地鐵站附近的人民醫院睇西醫專科,「我老婆睇完消化內科,照胃鏡都係1000元人仔多(港幣約$1,130 ),有息肉要切除,再收600元(港幣約$680)」,但由於之後發現有個良性瘤,所以需要入院治療做手術,「幾日就安排入院,住了四個晚上,今日可以岀院,住二人房,係新醫院,環境很好,全部自費都係約13000元(港幣約$14,700),手術很好,又安排8號再覆診」。

樓主又表示,「開始都唔係好敢試,見到醫院環境不錯,又好多人睇病先有信心去做。」同時他也提到自己本來也有睇香港普通科,「去了威爾斯排期,仲要等回覆」,直言不知道要輸候到甚麼時候才有機會見醫生,如果自己搵私家醫院做也不知道會收幾多錢,大呻「香港睇醫生係受罪」。

帖文引來大批網友討論,不少網友分享在內地就醫經過,「大陸好多醫院都好好,我三年前都係大陸照過胃鏡,果時700左右」,紛紛留言表示「如果返大陸退休,似乎香港份醫療保cut得」、「最緊要係又快又平」。

另外亦有網友指香港公營醫療資源緊絀,輪候專科門診、手術排期的時間長,「在香港看專科私家醫生都很受罪!都是全部人堆在狹小的診所,等幾個鐘!看到我都怕了!」、「無了期的等排期」、「香港嘅醫療霸權真係要到頭了」、「香港專科醫生,十個有九個都是搶錢家族」、「老實講,我依家反而唔敢喺香港睇西醫」。

來源:HKETFB@深圳大灣區吃喝玩樂開心分享區

同場加映:【衝出嚟玩】日間船P散團出海玩足7小時!夾船單人報名都得!中環出發/包三餐/酒水任飲

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓