近年香港的士常被批評態度惡劣，不時更傳出用假幣找續、濫收車資！最近就有位女子網上發文，指有的士司機向她收取$6的行李費，讓她感到十分不滿，因此記下了對方車牌資料並在網上發文公審司機 。不過帖文一出後，卻有不少網民力撐的士司機，更直斥事主「咁點解唔收得？」即入內文睇睇啦！
早前有網友在Facebook群組「舉報拒載(的士)群組」發文，指自己陪同老人院的一名長者老人家到廣華醫院，其後她便攜帶輪椅乘搭的士回大角咀的老人院，而輪椅則放置在後車廂。到達目的地後，司機向她收取$6的行李費，事主聽後感到十分不滿，她表示「正常普通的士只係收行李錢或貨物額外錢，輪椅除外，很這個司機因為一張輪椅車額外收到我6元」，並決定記下車牌資料並在網上公審該名司機。
帖文一出，隨即有網民欲了解事發經過，並留言問道「個老人家有無同車？」事主承認了當時需要輪椅的長者沒有同行，結果引來網民炮轟，直斥事主「咁點解唔收得？」、「真係惡，四肢健全都唔畀收$6」。其後該帖文更被分享至Facebook群組「的士司機資訊網 Taxi」，不少網民為的士司機抱不平，紛紛留言表示「唔係輪椅使用者就可以收」、「法例上輪椅及拐杖免收費，只優惠傷殘人士的使用上」、「咩都係的士佬唔啱～最好免費做義工」、「講到明係傷殘人士先可以喎」，當中更有人質疑事主「點解唔當面問清楚」，反而事後在網上意圖公審該名司機。
根據香港法例第374D章 《道路交通(公共服務車輛)規例》 第47條，如的士乘客屬傷殘人士，其輪椅及枴杖不得視為附加車費的行李，相關用品屬免費。
同場加映：【衝出嚟玩】航天城3萬呎海景室內遊樂場開幕！放電之選玩盡18大主題區
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
