女子帶輪椅搭的士被收$6發文公審 法例寫明輪椅唔收得附加費?網民1個原因力撐司機無做錯

文: 黃樂恩
2023.06.01

近年香港的士常被批評態度惡劣,不時更傳出用假幣找續、濫收車資!最近就有位女子網上發文,指有的士司機向她收取$6的行李費,讓她感到十分不滿,因此記下了對方車牌資料並在網上發文公審司機 。不過帖文一出後,卻有不少網民力撐的士司機,更直斥事主「咁點解唔收得?」即入內文睇睇啦!

早前有網友在Facebook群組「舉報拒載(的士)群組」發文,指自己陪同老人院的一名長者老人家到廣華醫院,其後她便攜帶輪椅乘搭的士回大角咀的老人院,而輪椅則放置在後車廂。到達目的地後,司機向她收取$6的行李費,事主聽後感到十分不滿,她表示「正常普通的士只係收行李錢或貨物額外錢,輪椅除外,很這個司機因為一張輪椅車額外收到我6元」,並決定記下車牌資料並在網上公審該名司機。

帖文一出,隨即有網民欲了解事發經過,並留言問道「個老人家有無同車?」事主承認了當時需要輪椅的長者沒有同行,結果引來網民炮轟,直斥事主「咁點解唔收得?」、「真係惡,四肢健全都唔畀收$6」。其後該帖文更被分享至Facebook群組「的士司機資訊網 Taxi」,不少網民為的士司機抱不平,紛紛留言表示「唔係輪椅使用者就可以收」、「法例上輪椅及拐杖免收費,只優惠傷殘人士的使用上」、「咩都係的士佬唔啱~最好免費做義工」、「講到明係傷殘人士先可以喎」,當中更有人質疑事主「點解唔當面問清楚」,反而事後在網上意圖公審該名司機。

根據香港法例第374D章 《道路交通(公共服務車輛)規例》 第47條,如的士乘客屬傷殘人士,其輪椅及枴杖不得視為附加車費的行李,相關用品屬免費。

來源:FB@舉報拒載(的士)群組的士司機資訊網Taxi

同場加映:【衝出嚟玩】航天城3萬呎海景室內遊樂場開幕!放電之選玩盡18大主題區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓