又到學生們要挑燈夜讀嘅考試季節，其實除咗學生，近年好多人都要work from home ，書枱或工作枱嘅枱燈，無論使用率同重要性都好高。好多枱燈都標榜係「護眼枱燈」，其實唔單只光度同位置要有得調校，買護眼枱燈仲要考慮埋色溫同頻閃現象等，原來好多專業學問㗎！
============
同場加映：
【家居達人】$12店煮食小幫手 超慳時間＋一物多用！
============
枱燈係咪愈光愈好呢？
當然唔係啦！光度過強嘅枱燈，會對眼睛造成負擔，導致眼睛疲勞甚至是頭痛。所以買枱燈最好揀可以調整光線或色溫嘅護眼燈，根據需要和使用環境，選擇合適嘅亮度。
光度太強嘅枱燈，會導致眼睛疲勞甚至是頭痛，唔好揀啦！
枱燈點樣擺放，都有小秘訣！
1.高度：燈具放得過低，會縮小光照嘅範圍，容易造成眼睛不適；如果過高，就有機會讓光線直射眼睛。最好就係放喺眼睛水平直視前方時，睇唔到燈罩內櫳，也唔會直視光源嘅位置。
2.放在慣用手相反位置：咁樣手先唔會遮住光線，產生陰影。例如慣用右手的人，枱橙就要放左邊，讓光由左前方照射。
揀護眼枱燈6大要點
1.選擇照度值喺 500Lux 至2000Lux 之間
選購枱燈時，首要考慮照度（illuminance），係每單位面積所接收到嘅光通量，簡單啲講，就係單位面積內獲得幾多光。照度的單位為 Lux，根據台灣嘅CNS照度標準表，基本閱讀和書寫活動，照度應為500Lux至2000Lux之間，呢個範圍內嘅照度係最適合閱讀，又最唔傷眼睛。
照度值喺 500Lux 至2000Lux 之間嘅書枱燈，係最適合作閱讀用。
2.選擇色溫喺 2500K – 6000K 之間
至於色溫就係以 K 為單位表示，數值愈低就愈偏暖色，數值愈高則愈偏冷色，而太陽光嘅色溫就係5000K 左右。進行唔同嘅活動時，亦應有唔同嘅色溫配合，例如高注意力嘅閱讀，最好喺6000K 左右嘅冷白光下進行，能夠畀到人精神嘅感覺，提高注意力；至於休閒閱讀，大約4000K 嘅自然光下最舒服；而臨瞓前嘅夜間閱讀，就最好喺2500K 左右嘅黃光之下，睡房嘅燈具亦可考慮呢個色溫度。
進行唔同活動，應該選擇色溫唔同嘅燈具，如果係休閒閱讀，大約4000K 就最舒服，但如果係要溫書，就最好要約6000K。
3.照射範圍 AA 級嘅枱燈
唔知你有無諗過買枱燈，其實都要考慮照射範圍呢？市面將枱燈光照範圍，分為A級和AA級，多數枱燈都能達到A級要求，建議可以嘅話，揀照射範圍更度闊嘅AA級枱燈。AA級枱燈能夠同時照亮兩本打開嘅書，大約30厘米嘅範圍，兩本書嘅範圍都係適合閱讀嘅亮度，唔會令眼睛喺忽明忽暗之間游走，令眼睛疲累，亦同時減低長時間使用後造成近視嘅機會。
最好揀照射範圍比較廣闊及平均、達 AA 級嘅枱燈，否則容易令眼睛疲勞，近視會都啲呀！
4.選擇演色性大於Ra 80
演色性是用來評估人工光源呈現物體顏色嘅能力，單位為 Ra 。以太陽光做基準 Ra100， 若光源嘅演色性數值愈高，表示反映出物體顏色愈接近真實，使用時也會較舒適自然。市面上一般護眼枱燈嘅演色性，都達 Ra80 以上，如果希望閱讀時舒適度更好，可以揀演色性Ra90 以上嘅護眼燈。
5.無頻閃功能
原來光源發出嘅光，係會隨時間呈快速、重複嘅變化，呢個現象叫「頻閃」，雖然發生速度極快，一般好難察覺，但如果長期喺閃頻燈光下閱讀，會造成眼睛疲勞，甚至會引發頭痛。因此揀護眼枱燈，一定要揀具有「無頻閃」嘅功能。
揀護眼枱燈，一定要揀具有「無頻閃」功能，減低眼睛疲勞，甚至引發頭痛嘅機會。
6.抗眩光功能
相信好多人都體會過喺燈光下閱讀時，書本有反光現象。但長期喺咁樣嘅光源下閱讀，眼睛會為咗調節忽亮嘅光線，容易出現疲勞，所以買護眼枱橙，就要買有「抗眩光」功能。
有啲舊款枱燈射向書本，會出現反光現象，眼睛容易疲勞，所以買護眼枱橙，就要買有「抗眩光」功能。
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
