所謂「行行出狀元」，每個行業都有其專業的地方！最近有的士司機在網上發文，指自己返工期間遇上一家三口的「豪宅貴客」，期間爸爸不停責罵兒子，「話佢唔生性唔上進」，其後更要求司機幫口「教仔」、說明的士收入等，藉此令兒子後悔。沒想到卻被司機的收入以及一番說話嚇呆。帖文在網上引起熱議，網民反應兩極，有人直斥爸爸行為分明是狗眼看人低，亦有人質疑事件真假，即入內文睇詳情啦！
日前（19日）有的士司機在Facebook群組「的士司機資訊網 Taxi」發帖，分享自己在返工期間接載了一家三口的「貴客」，目的地是某豪宅，在閒聊過程中更幫對方「上咗人生寶貴嘅一堂」。他表示當日一家三口上車後，爸爸便開始不停責罵兒子，「話佢唔生性唔上進，20幾歲一啲成績都無」。
其後爸爸更以駕駛的士為例子，對兒子說：「你一係唔好再讀書喇，去揸的士啦！」當時兒子反問「揸的士好失禮咩？」沒想到爸爸隨即說「唔係失禮，不過日日揸10幾個鐘，搵得又唔多，隨時周身病痛，做埋唔夠睇醫生者！」當時爸爸不單止反問兒子「你係唔係一定要做底下層先開心？」更要求樓主幫口「教仔」，並詢問樓主每月的收入，「師傅（樓主），你講句公道說話啦，等佢知道社會幾慘！師傅你一個月搵幾多？」
雖然樓主感到疑惑，但最後還是透露了自己每月的收入，「大概18萬左右，未計其他入息，揸的士最多都係搵5萬一個月，其他收入係收租，加加埋埋年薪大概250萬左右，不過同你（爸爸）比較應該差好遠，所以唔敢講！」爸爸聽到後嚇了一跳，「揸的士有咁好搵咩？」而兒子表示「我老豆年薪都未夠50萬！」沒想到樓主回答「下，我年薪剩揸的士都70萬喎！」
當時爸爸依然不敢相信，於是再問樓主「揸的士有無可能搵5萬一個月呀？」樓主則表示「有啲7萬一個月大有人在，我都唔敢同人講自己搵幾多」。兒子聽到後便反問爸爸「咁我讀咁多書仲乜？」當時樓主回應道，「咁又唔同嘅，邊個做父母都希望自己兒女可以出人頭地啦！讀書始終係好事！」被問及當年為何不好好讀書，樓主表示自己要管理多部的士，「我其實想讀，不過屋企太窮，窮到剩係得返啲錢，又有咁多的士要處理，老豆好早已經要我幫手管理，所以無得讀書，所以見你爸爸勸你讀書好感動，我老豆剩係識比錢我咋，一啲父愛都無」。
帖文隨即在網上引起熱議，不少網民認為「行行有狀元」，直斥爸爸的行為分明是狗眼看人低，紛紛留言表示「唔好用錢去量度其他人成就」、「其實揸車唔一定代表窮，識個村長屋企養馬都揸巴士，有何問題」。同時亦有的士同行分享自身經驗，「自己車的話，其實搵5萬個月真係好簡單」、「自己車冇5W 供車情何以堪」、「自己車唔洗交租 一個月搵六7萬好驚奇咩」、「一個月搵五至7萬大有人在， 自己做唔到唔代表人哋做唔到」。
不過有部分網民質疑事件真假，直指「（樓主） 吹得就梗係有咁大吹咁大」、「真好笑，有人信」、「5萬我信，7萬真係周身病痛揸唔長」、「日日做廿四，揾七仟，不出一星期就歸西」、「你話你搵五萬扣左車租汽（油） 錢未先」。
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
