香港嘅夏天，日日中午都超過三十度，對於要喺戶外工作嘅朋友，真係好辛苦！勞工處上月就開始推出咗 《 預防工作時中暑指引》，好似暴雨警告咁根據氣溫分為三個級別嘅工作暑熱警告，希望僱主及僱員留意，要採取「防暑措施」，咁其實呢啲「防暑措施」實際可以做啲乜呢？《東張西望》搵咗職安局嘅發言人話你知！
============
同場加映：
【家居達人】專家分享床單小知識！ 點樣揀床單？清洗方法+次數？
============
據職安局高級顧問經理劉焯明所講，有防暑四式：1.戶外要遮陰，室內要通風：喺在遮陰嘅情況下，暑熱指數係會立刻降低，亦減低工友中暑嘅機會。2.要加強散熱，僱主可以喺戶外裝置有噴霧嘅風扇，或者太陽能風扇，僱員個人亦可使用便攜式風扇及清涼巾。3.就係要多飲水，最好每小時要預備約1公升嘅飲用水，但又唔適宜超過1.5公升，就可以避免血液入面嘅鹽分濃度低於正常水平。4.就係休息，喺炎熱天氣下，僱主應預先為僱員安排好休息地點及時間，當暑熱工作警告生效時，要調整休息時間，對於因工作暑熱警告生效而獲額外休息時間嘅僱員，僱主唔應該無故地扣減員工工資、勤工獎或津貼，詳情可以參考勞工處《 預防工作時中暑指引》。
勞工處喺5 月中推出咗三級制「工作暑熱警告」。
僱主最好可以喺戶外工作嘅地方，設置可以遮陰嘅地方讓員工休息。
僱主可以喺戶外工作場地，加裝大型風扇，協助員工散熱。
戶外工作人士，應預備每小時約1至1.5公升嘅飲用水，就可以避免血液入面嘅鹽分濃度低於正常水平。
呢位戶外工作人士，自備小型風扇兼防曬傘，抵讚。
【INFO】
勞工處《 預防工作時中暑指引》
網址：https://www.labour.gov.hk/tc/news/prevention_of_heat_stroke_at_work.htm
職安局防中暑專題網頁
網址：https://www.oshc.org.hk/tchi/main/hot/Heat/
text/Joyce
photo/HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
