香港小姐2023|港姐入圍名單正式公開(不斷更新)終極面試26位準佳麗仲要再淘汰

文: 羅志宏
2023.07.09

今年《2023香港小姐競選》搞搞新意思,經過初步遴選,26位準佳麗晉身「終極面試」,接受由曾志偉、樂易玲等組成的評審團嚴格考核,並將先後淘汰4名+4名參賽者,而成功晉級的佳麗就可出發往越南拍攝外景。

今集22位準佳麗率先接受口才挑戰,由於今屆加入AI元素,所以考驗準佳麗的問題全來自ChatGPT。由ChatGPT得出的問題包括:「如果你有一百個檸檬,你會點做?」、「如果外星人嚟到地球,你會點樣同佢解釋地球人嘅自拍文化?」、「如果當選港姐冠軍可以成為超級英雄,超能力係可以長時間張開對眼,你會點運用呢種能力拯救地球?」、「如何向外國人推介絲襪奶茶?」等,有準佳麗急智十足答得有紋有路,但亦有人被指答非所問,志偉笑言:「好犀利,佢可以完全答咗另外一樣嘢!」

另外,22位準佳麗還接受了口才、化妝及Catwalk訓練。口才訓練由師姐馮盈盈及林盛斌(Bob)擔任導師,當阿Bob邀請佳麗黃泳嘉做示範時,她竟突然緊張淚崩,令其他準佳麗亦被感染喊埋一份,現場即時變成淚海,一班準佳麗摟作一團互相安慰。化妝訓練則有著名化妝師雷淑賢擔任導師,她一出場就霸氣十足,更下令準佳麗拆掉假眼睫毛,她說:「好似『葵花寶典』咁,搶晒你個樣,唔係長同密就係靚!」

Catwalk訓練則由名模陳嘉容擔任導師,陳嘉容對著一班準佳麗極為嚴格,其中鄧凱文表現不合格行到「操兵咁款」,遭陳嘉容下令行到合格為止,陳嘉容更爆出一句:「記唔記腳踭落地先呀,我最後一次講架喇,落選唔關我事!」

至於訓練期間就發生了小插曲,大熱「金髮蔡思貝」郭珮文(Juliana)因遲到激嬲陳嘉容,陳嘉容就不客氣謂:「你又遲到喎,點解唔早啲出門口呀?」,氣氛一度凝重。

 


《2023香港小姐競選 終極面試》一連兩個星期日晚播出,第一集先分成兩個回合,26位準佳麗將輪流出場,並親自挑選Profile相作自我介紹,其中名模馬詩慧就不留情面狠批:「真人同張相差好遠,做人最緊要係有真我,唔好靠啲相,啲相係幻覺嚟!」另某部分準佳麗因廣東話麻麻、自我介紹時似足機械人,6號笑言:「你係咪跟Siri學?」謝嘉怡亦忍不住說:「你自信好好,但真係要練習廣東話!」

第二回合,製作組將26位準佳麗的靚樣分成「笑容」、「眼睛」和「肩頸線條」,而先後以白Tee牛仔褲+貼身運動裝亮相的準佳麗則會遮樣出場,評審團則以「盲選」形式點評各人五官和身形。有佳麗身形令人眼前一亮,獲志偉大讚是「衣架肩」;亦有佳麗因下盤比較健碩,被勸要減一減大髀。

2023香港小姐入圍佳麗(不斷更新)

高伊聤 Venus【已淘汰】
梁倩淇 Debbie
姜依寧 Jenny
陳曉彤 Cindy
王怡然 Lynn 
王敏慈 Lovelle
賀怡雯 Lea
莊子璇 Hilary
梁晶晶 Nicole 
黃泳嘉 Jessica
林意真 Kiki 【已淘汰】
鄧凱文 Eris
鄭思怡 Cherry【已淘汰】
王藝淳 Kitty【已淘汰】
潘明璇 Michelle
郭珮文 Juliana
胡睿涵 Hanna
陳怡名 Zora
周婷 Jennifer
蔡嘉璐 Vicki 【已淘汰】
吳詠婷 Anna 
何頌昕 Jessica 【已淘汰】
陳芷瑩  【已淘汰】
趙穎琪 Gladys 【已淘汰】
陳霈錤 Hera
毛志琛 Victoria

 

 

 

 

 

同場加映:【香港周圍遊】teamLab期間限定展7月登陸九龍灣!6大展區曝光/鯨魚小山谷/發光波波屋

 

圖片來源:節目截圖、TVB

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓