早前加拿大宣布放寬「救生艇計劃」的申請門檻，擴大Stream B永久居留政策，事件引起不少港人關注。最近就有移加港人分享當地生活的8大弊端，直指當地物價高、租金貴、搵工難，建議計劃移民加拿大的港人記得「帶多d錢」。帖文一出，隨即引來許多網民留言，網民反應兩極，部分人質疑樓主發文的背後動機，即入內文睇睇啦！
日前有男網友在LIHKG討論區以「移民加拿大前請三思 你一定會面對嘅事 」為題發文，從衣食住行多個方面分析當地生活的弊端。樓主表示自己本身從事IT行業，現在已經在多倫多生活了3個多星期，他直指「出街食嘢貴，大多都係dinner（加元）$13.99 - $29.99 呢個價位」，連稅13%再加上至少10%貼士，每次外食至少要大約加元19.88，折算後差不多要港幣$120。雖然買餸煮飯相對便宜，但樓主也認為連稅13%後也是比香港物價貴。
住屋方面，樓主認為想要在加拿大也不容易，一來是租金貴，二來是「同一間屋可能有3個人睇岩（啱） 」，這時候就要「同人搶…依架（宜家）多數人都係出1年租，之後會開始出貴多（加元）$50/$100 」，特別是一些有裝修、地段比較好的地方，還需要有加拿大人做擔保人，提供相關信貸報告、收入來源證明，直言「呢邊冇親人就唔好諗」。其後他又提到，當地「租盤清得好快，基本上好嘅租盤放左（咗）出黎（嚟）2至3日都一定租得出」，現在只有舊樓先會全包（水、熱、電），新樓多數只係包一樣，「有d（啲）衰到車位同 Locker（用嚟裝車軚，好大乜都可以塞入去）都唔包」，形容在加拿大租樓簡直又難又貴。
工作方面，他直指港人在加拿大沒有優勢，即使最低工資的工作都會揀人，「 min pay（最低工資）工都會揀人，呢邊因為好多人都搵工所以好易炒人，華人超市成日炒人，所以唔洗話咩黎（嚟）做min pay一定有人請」，加上當地服務行業、保安工作幾乎是都是印度人，絕大部份工作都需要朋友介紹，直言在加拿大求職並不是一件容易的事。
最後樓主更大呻當地開信用卡難，而且當地物價高昂，無論是車費、 電話費、上網費的開銷使費高昂，並提醒計劃移民加拿大的港人記得「帶多d錢」，他直言「10皮（10萬港元）過黎（嚟）唔係唔得，你只係機票錢過黎（嚟）都得，只能講加油囉」。
帖文一出隨即引來許多網民留言，不少網民認同樓主說法，紛紛留言表示「真，樓主講嗰啲全部都係錢問題」、 「儲返D錢先好去 否則租樓 搵工 都頭痕死」、「呢度電費有樣嘢叫delivery charge 乜電都唔用 一樣照收 你叻過林超英都冇用」、「我同意以上所講嘅嘢 真係想過嚟呢度一定要有馬死落地行嘅心態」。
不過亦有網民認為樓主似乎是軟性唱衰加拿大，發文的背後動機令人質疑，「未開stream b之前就加拿大乜都好過香港 開左之後就叫人三思」、「咁點解你咁愛中國要移民？」、「咁仲唔返香港」、「到到都難架啦」、「樓主可能驚你哋過嚟加拿大 爭飯食」。當中更有人列出6點反駁樓主的說法，「如果有少少積蓄，可以考慮租單一公司管理全棟嘅apartment (NOT 分散業權condo)，只需要頭尾兩個月租」、「用Rogers 1.5ghz 一個月cad$44.99 ，問你棟大廈refer sales contact，打電話同sales傾會抵d，順便練下英文」、「買大部分食品類grocery都係免稅」。
來源：LIHKG討論區
同場加映：【衝出嚟玩】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
