莊鍶敏當街當巷拎住200萬現金遊走鬧市 一疊疊銀紙裝落環保袋淡定周街行

文: 黃樂恩
2023.07.31

繼早前豪花400萬投資的士牌後,莊思敏(Jacquelin)最近再有新理財策略分享,今次不單止直接從傳統銀行取出一筆定期存款,以環保袋裝住200萬現金四圍走,其後又指有個地方做定期年息有16%。影片一出隨即在網上引起關注,網民反應兩極,當中更有人鬧爆莊思敏「呢啲廣告,真係害死人」,即入內文睇睇啦!

除了分享美妝心得、生活日常,馬來西亞拿督千金莊思敏(Jacquelin)不時也會在Youtube頻道上分享自身投資理財心得。日前她拍片分享,指自己在傳統銀行有一筆200萬定期到期,但由於放在銀行做定期的利息不高,於是她決定將存款全數取出,並以環保袋裝住200萬現金四圍走。

片段中,莊思敏來到一間名為「加密豹」的加密貨幣兌換店,直接將所有現金兌換成USDT,可見她對加密貨幣平台、兌換店的高度信任。被問到為甚麼選擇來「加密豹」兌換USDT,莊思敏解釋指,「當然是匯率好」,其後又指現時加密貨幣平台有很多,不同平台的息口都會有所不同,而JPEX就是一個較為高息口的平台,並表示自己「會確確實實存錢入去收高息」。

其後莊思敏又提到自己最早接觸JPEX時,當時的年息有20多厘,雖然現在開始變少了,「但少極都有16%」,這個數字遠超過傳統金融投資產品。同時她也大讚JPEX效率快,10分鐘已經兌換成USDT,並教大家只需將USDT放進去,就可以自行決定質押的日數,「可以由1日開始揀,一日的厘數是14厘,如果擺足一年就可以去到16厘」,無論是做定期存款還是活期存款都非常方便。不過她也提醒大家,雖然可以選擇一日質押,但大家很有可能會因為忘記點擊按鈕,而錯過第二日的利息,所以她幾乎都會選擇一個月的質押,以確保自己不會忘記。

影片一出隨即引起不少網民關注,網民反應兩極,有人認同莊思敏的做法,認為加密貨幣「穩定性好高 息口好吸引」。但亦有大批網民認為質疑其安全性,直指「加密貨幣永遠是100%高危風險,小心有投冇返 !!!」、「有冇保障? 冧咗點算呀?」、「佢係銀行定係投資公司?出咗事邊個包底?」、「比特,加密貨幣,好危險的,壞人將黑錢換成比特幣,然後洗白」,提醒莊思敏要小心利大本無歸,「貪字得個…. 貧」、「到時喊苦喊弗搵東張西望求救」、「買嘅時候咩都得 之後想要返錢百九幾個藉口」、「倒閉左到時真係喊」。

其後莊思敏亦有在留言區,指這間公司目前正在申請牌照,並強調「所有投資都有風險嘅?買樓都會冧咖,喺銀行都有機會執笠嘅世代,搏一博單車變摩托」。不過有部分網民對此說法不埋單,直指莊思敏在片段中舉動太離地,為了拍廣告「拎200萬周街走」,直斥她只是收錢做宣傳,「呢啲廣告,真係害死人」、「勸喻莊小姐不要亂介紹呢啲產品」、「你個 的士牌點呀?唔好再為呢啲廣告費水人啦!」、「知法犯法推銷加密貨幣平台」。

來源:YT@莊思敏FB@莊思敏

【香港周圍遊】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓