容祖兒(Joey)因病延期三次的《ANOTHER SIDE …… JOEY•MY SECRET•LIVE》昨晚(1日)終於再度恢復演出，病癒後祖兒狀態大勇，加上觀眾無盡的愛與關懷，讓她愈唱愈好，最後她感動對大家說：「Doctor Stage把我治癒了！我可以站在這裡，接受到你地給我的愛，真的藥到病除！」
昨晚開場不久，Joey跟大家打招呼：「各位朋友，大家好嘛？本來呢度預定咗一些開場白，今日唔講啦。因為我好想藉呢個機會，同大家講一聲抱歉！因為之前唔舒服，令大家要延期。雖然我知道，坐係到每一位朋友，都係願意等待.....」觀眾即報以大叫：「係呀！冇所謂！我愛你呀....」及無限掌聲，歡呼聲，Joey：「今日來到演藝都係最錫容祖兒嘅人，因為你哋對我嘅愛，我同自己講，我今日一定要振作，一定要做好佢！今晚MY SECRET•LIVE正式開始 ！」台下歡呼不斷，祖兒開心道，「真係好好反應，你哋反應愈好，我把聲就愈好，好神奇架，你哋係醫生，我係病人，掌聲，歡呼聲就可治癒我！」
同場加映：【衝出嚟玩】最新影片
到第三part，Joey對觀眾說：「把聲好神奇，真係愈唱愈開....可能係因為又跳又唱出一身汗啦，一啲水尾感冒最煩人，希望今日冇令大家太失望.....」觀眾即報以熱烈歡呼聲，掌聲，大嗌，「好鍾意，好好呀。」她又有感而發表示，今年是她入行第24年，15歲參加歌唱比賽，到現在真的可以說是中年好聲音都來了，自己好開心搵到終身喜歡的職業之外，同時可以一直保持一個純綷的心：「經過今次，我人生又豐盛咗，唱歌可以又再好聽啲，舞台就係我底線、只要我可以企係舞台，我可以接受到你哋嘅愛，真係藥到病除。多謝大家，送比大家《男朋友與歌》，呢首歌未必係最好狀態唱，但絕對表態到我對音樂嘅愛。」觀眾又再報以無限掌聲及歡呼。
完騷後，Joey表示，未來時間重係要好小心保護身體，希望狀態可以再好啲，「真係好鍾意企係舞台上感覺，雖然未係100分，但係能擁有100分觀眾，係我福氣，我會加油，咁多愛一定可以為我注滿動力，愈做愈好，多謝大家。」
此外，昨晚英皇娛樂主席楊受承先生夫人，Joey好朋友蔡卓妍(阿Sa)均有到場為她打氣。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
