黃大仙|兩男爭執打尖上巴士面對面1cm鬥兇口角 車長一個冷靜表現展高EQ超強調解能力

文: 羅志宏
2023.08.06

排隊時候遇上插隊的人,心情的確燥。日前,有網民在Facebook群組分享了一段「搭巴士遇着打尖友」的影片,片中見到有兩名男子在一輛開往摩士公園游泳池的九巴上,疑似因為打尖上車而爭執,兩人在車廂內大聲嗌交,較後生的男子被另一名中年叔叔推撞,指他打尖上車,繼而互相手指指,其後幸得車長及時出手制止,憑一個冷靜表現就極速調解。

有網民在Facebook網上群組「HK小城故事多」分享影片,兩名男子在一輛九巴下層車廂發生爭執口角事件,期間二人多番推撞,又面對面近到1cm互相喝罵:「你係咪推我啊?」「我冇推你」「有閉路電視」「你一推我即刻報警囉」「報囉」「佢到打尖佢要報警」「你要報咪報囉」「我話你聽」「咩X嘢啊」「你唔好推我啊」「你唔好指我啊」⋯⋯

 

 

之後,車長見兩人愈嘈愈起勁,及時挺身而出,冷靜地出聲制止:「我唔係話邊個啱邊個錯」、「其他人都趕時間」、「大家都唔好嘈好冇」、「我收聲好唔好」,再用一句「Shu!」示意二人收口,成功處理紛爭,展現超強調解能力。

圖片來源:FB@HK小城故事多


同場加映:【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓