港男怨兩餸飯搞衰香港經濟遭圍插 網民:咁都有得賴!支持用三餸飯取代!

文: 溫藹紅
2023.08.17

香港兩餸飯又平又抵食,開到成巷成市備受打工仔歡迎。不過,最近有男網民透過網上發文,列舉2大原因,批評兩餸飯有份搞衰香港夜晚經濟,更直言政府要搞夜市,前提需先取締兩餸飯店。有關言論隨即遭到一班網民圍剿,大部分人表示無法認同,指「咁都有得瀨(賴)」?

香港兩餸飯以廉價又抵食著稱,在疫情期間成為不少港人至愛,但未必人人都支持。隨著政府最近宣布要搞活香港夜市,引來社會各界參與討論,有男網民就於連登討論區發帖,並以「兩餸飯店有份搞死香港夜晚既經濟」為題發表意見,批評兩餸飯近年開到成巷成市,其實好影響香港「靚既經濟」,並強調尤其是夜晚。

「呢幾年好多市民都習慣咗夜晚買兩餸飯返屋企食,如果無佢地唔出餐廳食,連帶商場商店既人流都會受影響。」他認為,雖然兩餸飯又抵食份量又多,但直言其實是「頂爛市」,連帶拖累本地餐廳酒樓,兼影響商場及商店人流。此外, 他又提及Facebook兩餸飯關注組,「佢地覺得香港開得越多兩餸飯店就越好,其實係搞死香港經濟就真,政府如果想搞起夜市,其中一樣要做既,就係要取締兩餸飯店」。

▼連登帖文▼

貼文一出隨即就成為熱門討論,同時引來大批網民一面倒圍插,吸納不少「負評」。大部分網民對樓主發表的言論抱反對態度,「咁都可以瀨(賴)落兩餸飯到,餐廳賣乜從來唔係自己決定,而係客人鐘意乜,餐廳就去賣乜」,認為兩餸飯普及是源於有市場需求;亦有網民覺得「係經濟差先會有兩餸飯」、「兩餸飯有d(啲)質素仲好過茶記」,大讚食兩餸飯平又夠飽,「出面啲餐廳貴唔係問題,係食唔飽」;有人更笑指「支持用三餸飯取代兩餸飯」!

亦有網民認為樓主本末倒置,指兩餸飯興起是由於疫情期間本港禁晚市堂食,影響晚市食肆需求之餘,同時改變市民的夜生活習慣,令晚市市場萎縮,「兩餸飯只係個問題催生出嚟嘅結果,而唔係問題本身,你解決兩餸飯,並唔代表解決到問題,因為你嘅立論一開始就係錯」。大家又怎樣看呢?

▼網民留言▼

資料來源:連登討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓