而家出街聽歌，個個都係用手機，若果識得"Discman"嘅話，就證明咗，你都有一定人生閱歷！而且呢樣嘢仲係唔少人青春歲月入面嘅重要朋友，難怪網上討論區有人貼出一張P字品牌嘅「流動CD播放器」相片之後，短短3日已賺到18,000個like ，1.3K留言！而小編一見到張相，立刻出現「幻聽」，鄭秀文把聲彈出嚟：「我捨不得你……Yeah Yeah……」
============
同場加映：
【家居達人】瞓覺都有學問！專家教你點樣瞓得好 夠凍先瞓得好？枕頭應揀軟定硬？床褥散熱好重要！
============
首先要講返：其實Discman係日本SONY喺1984年所推出嘅一個流動CD播放器產品，其他品牌嘅出品，其實正名係叫" Portable CD Player "。而若果大家當年有留意本地廣告同流行曲，就知道九十年代好多流行曲本身其實係廣告歌，而廣告片本身都會由歌手親自拍攝，而且都會成為歌曲MV及卡拉OK版本嘅一部分，當然變成後者時，就會cut走路商品嘅close up鏡頭，而當年最經典嘅流行曲廣告歌二合為一例子，當然係黎明嘅一系列「和記天地線」廣告。而如果好記性嘅話，仲會記得當年鄭秀文轉唱片公司，頭炮主打歌就正係《捨不得你》，用埋呢隻歌嚟做當時堪稱年輕人流行潮物嘅Portable CD Player廣告歌做勢，難怪歌同商品都令人印象深刻，有網友仲留言：「我都有部 Panasonic，當年買嘅時候仲送咗隻鄭秀文 3 吋 CD Single。」
講起呢個P字品牌嘅Portable CD Player ，好多人都會諗返起鄭秀文嘅廣告同廣告歌《捨不得你》。
至於呢個post一出，大家嘅青春回憶返晒嚟！好多人都舉手話當年都曾經擁有過呢個牌子嘅Portable CD Player，仲有唔少人話直頭係相中同一款model！那些年聽CD嘅日子嘅浪漫，擁有Portable CD Player嘅身份象徵，年輕人係唔會明嘅：「梗係要啦！求學時期差不多好多同學都有一部架！」、「有，果陣當係寶，去邊都拎住佢」、「當年能夠身邊帶個CD出街好威威㗎」、「以前新嘅一天開始係諗果日帶邊隻CD出街聽」、「我年輕時都用過，搭巴士時，開着聽考試歌，每天都這樣，陪伴我每個旅程，助我考琴試順利過關，這部機當時買了約$1000」。
超食電兼搭車聽會跳線
不過大家諗諗吓，又會記返起Portable CD Player兩大缺點：食電同唔防震！
「最記得係90-91年時代，書包放一大堆電芯，好食電的」、「1994左右，曾經擁有過／ 印象中 非常耗電，聽完一張CD 兩顆A3電池也要換了」、「仲要加多條後備電（外置電芯）」。講到防震，真係乜嘢回憶都返晒嚟：「要打平放，如果唔係play 唔到」、「帶住呢部嘢出街可以練到平穩咁行路」、「以前坐小巴chok得大力會窒」、「搭巴士要凌空咁揸住佢唔比佢跳線！隔離個人仲問我攰唔攰」、「得10秒防震，想用來跑步都吾得」、「跑步？搭巴士震啲都唔得啦」「當時經常拍枱試避震」。
不過，兩句留言作總結：「Discman曾經係非常重要的精神食糧。No music no life」、「講到好似遠古咁，現在還有用緊」。
除咗美好同浪漫嘅音樂回憶，用過嘅人都好記得Portable CD Player其實好食電，仲好唔防震，chok得大力啲都會窒、跳線甚至停機。
text/Joyce
photo/網上截圖
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
