得公屋得天下?打工仔無排公屋遭同事追擊 感無奈講1句說話被網民指侮辱?

文: 溫藹紅
2023.08.24

公屋上樓難,已經成為港人的日常話題。最近就有網民分享,其因未有申請輪候公屋而遭同事追擊,認為「得公屋得天下」,人人都排籲勿蝕底,鼓勵盡快申請,不過樓主覺得,成功上公屋不代表是人生贏家,直言「我係因為怕悶先返工」!

最近有網民於Facebook群組「奴工處」發文分享,有同事得悉他沒有排公屋後,不斷追問「點解唔試下排」,並向他指出多項輪候公屋的好處,包括自己抽中某地區公屋稱「好好住」,又認為唔抽就蝕底,著他不要「蝕畀政府」,直言「得公屋得天下」,有公屋是「人生贏家」。

樓主表示,由於同事對他的家底不太清楚,因此敷衍地稱其戶口入息已經爆額,「佢就叫我一係將啲錢過晒去屋企人到,一係擺夾萬」,積極鼓勵他申請公屋單位,不過樓主則對排公屋抱持其他看法。

「我住私樓,有三個物業,嚟緊計劃去邊度移民,我係因為怕悶先返工,我又唔想同佢解釋太多,廢事畀人話曬命。」他續指,自己明白「呢個政府係欠香港人太多,啲資源你唔拎就係大陸人拎」,但認為既然擁有自己物業,有屋可住又何必去排公屋,「佢呢啲唸(諗)法係咪就係所謂既(嘅)貧窮限制了思想?拎到公屋唔代表係人生贏家,有咩事房署隨時收咗你間屋,除非你買咗」。

樓主的貼文分享獲大批網民讚好,並吸引不少人留言討論。部分人認為同事的勸說僅屬「一番好意」,不過認為正常朋友都未必攤明家底,何況是同事,著樓主「笑左佢咪算」。不過對於樓主指「貧窮限制了思想」,有網民認為用語甚帶侮辱,欠缺品德,更有人表示「我都想為興趣返工呀」!

▼網民留言▼

根據房委會數字,截至2023年6月底,在過去12個月獲安置入住公屋的一般申請者的平均輪候時間為5.3年,當中長者一人申請者的平均輪候時間為3.9年。

資料及圖片來源:FB@奴工處

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓