同爸爸嘈交被斷$350零用錢 17歲港女每日食得一餐飯:誓不低頭道歉

文: 黃樂恩
2023.08.30

有位即將升中六的17歲女生在網上發文,指自己最近跟爸爸吵架後,就被斷了每星期的零用錢,以不給零用錢的方式讓她低頭道歉。女生表示現在自己只能回家吃晚餐,而且每日只能吃一餐,並在文中詢問其他網民,父親的做法是否犯法?

早前有位即將升中六的17歲女生「名校Secrets 2.0」投稿,她表示自己出生於普通家庭,上月月底跟爸爸吵架,當時她向對方表達自己的不滿(如爸爸經常不問自取),沒想到爸爸在一氣之下,截斷了女兒$350零用錢,「每個禮拜俾$350我for早餐錢+午餐錢+零用錢嘅,佢一唔俾嘅話我一日就剩係得返晚餐可以食」。

女生的媽媽見狀後,便每日給她$40食午餐,「呢一個月裏面阿媽都勸咗我幾次,佢話只要我同阿爸道歉佢就會俾返錢我」。但女兒心感不滿,強調自己從未向他講過難聽、過份以及不理性的說話,但爸爸卻以「斷糧」的方式去束縛她,要她低頭道歉。

女生續指,爸爸一直以來在家中橫行霸道,每當自己表達出不滿就會讓他覺得無面子,但女生的性格最重視是非黑白,對於不合理的要求誓不低頭,「我覺得呢度根本冇資格叫屋企,啲人話學校係咩嘢微型社會,點知原來我屋企就已經係」。

雖然女生亦心痛媽媽,明白她夾在中間,「佢又係嗰種有咩事唔會出聲,乜都聽晒我阿爸嘅賢妻良母嚟。」但她強調自己不會對爸爸道歉,「如果你哋嘅意見係叫我吞咗啖氣佢同阿爸道歉,唔好意思我唔會」,並詢問網友「將仔女嘅生活開支推卸俾另一半係咪可以告?定其實即使我阿媽都唔俾錢我食飯,餓唔死我都唔等於犯法?」有網友回應指,「你同人哋補習,每小時至少有$120,自食其力」、「忍兩年考埋個試先,入大學大擺搵錢機會,革命需要資本。」

來源:名校Secrets 2.0

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!