「剩返半杯」還是「仲有半杯」？最近有網民於觀塘一間餐廳用餐，與同檯友人合共叫了4杯飲品，豈料上檯時各杯份量參差不齊，詢問店員竟然因為一個原因而無法斟滿飲品，相關解釋震驚不少網民，直言餐廳「無X」簡直是不可思議，店員最後更加多句「啲冰融咗咪一樣」，讓事主大感無奈。
去餐廳歎奶茶、凍檸茶等，不時聽到「少冰」或「少甜」等要求，而最近就有網民享有特別體驗，不但被迫享用放入大量冰塊的飲品，而且上檯時僅剩半杯左右份量。該網民於Facebook群組發帖分享指，與友人在觀塘偉業街一間越南餐廳用餐，點了4杯餐飲，豈料其中2杯份量參差不齊，向店方查詢時，阿姐竟答覆指：「因為無水，啲冰融左咪一樣」，令事主大感無奈。不過，樓主未有透露其他餐廳資訊。
事件隨即引來大批網民熱議，不少人認為店員解釋相當可笑，「咁樣都比得客真係過份」、「咩係無水？無水佢又開到門做生意」、「你同佢講我都無水（錢），係咪可以比一半錢」、「因為冇錢，爭住先咪一樣」，笑言是歪理變真理。
亦有網民覺得店方出餐前其實可思考補救方案，「點解個水吧唔會左比右，右比左戥番埋杯杯一樣」，平衡各杯份量。有人則打趣道「係咪特登有高有低，方便玩下敲擊樂」，又指樓主有賺「冰貴過水架」，更可順道品嚐真正的「冰滴」飲品。
▼網民留言▼
資料及圖片來源：FB@飲食黑店大全 🥜 (全港食店質素/價錢/服務關注組)
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】請您飲Sundrop桔仔水！↓
↓ 清涼消暑必備！原裝馬來西亞進口 / 富含高維生素C / 健康無添加！↓
↓【U Jetso】免費換荷花BB展門票！↓
↓逾650個攤位／優惠低至2折／免費禮品↓
