奇人異士?放售雪櫃遇買家要求半價「借用」 用幾個月再畀返你賣!賣家神回覆獲讚

文: 溫藹紅
2023.09.15

最近有賣家於網上分享,在二手網購平台遇上「奇人異事」,指自己放售一部二手雪櫃,豈料期間有買家講價不成,竟提出以半價「借用」雪櫃的要求,更大言不慚稱「借我用幾個月」,使用後再歸還予賣家放售,想法相當大膽,賣家隨即以1句還擊,獲一眾網民讚「神回覆」!

二手網購平台Carousell不時都有人放售閒置家電、傢俬等,最近就有賣家欲放售一部小型雪櫃,並標價$300,吸引一名買家出價打算購買,豈料議價過程讓人嘖嘖稱奇。

從賣家分享的對話截圖所見,該買家開首先按賣家標價,出價$300。及後突然取消,事後又再次出價$300,似乎相當掙扎,最後他忍不住講價,續詢問「$150買(賣)嗎?」賣家回覆指僅售$300。

議價不成,買家未有放棄,更提出改為「借用」的要求。他表示:「我只需要用4至5個月,能否$150元當借我用幾個月,之後畀返你再去賣。」有關提議令賣家相當震驚,隨即回覆指「你可以$300買咗之後用完$150放出去」,令不少網民大讚答得好。

事件引來大批網民留言熱議。大部分網民對賣家提議感驚奇,直言「佢個概念都幾正」、「佢諗得出,又講得出口果下好野」、「運費都蝕埋,真係咩人都有」,連樓主都表示,覺得對方相當搞笑「忍唔住要分享」。另外,不少人對賣家的回應讚不絕口,認為「樓主思路清晰,答覆亦很得體」,形容是高手過招,有人更建議應該租予對方,再收多$150按金,讓人哭笑不得!

資料及圖片來源:FB@Carousell 黑店大全+、Unsplash(示意圖)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓