麥當勞「3合1」全新邪惡甜品?港人叫齊3款食品自行升級 網民大讚有創意好想試

文: 溫藹紅
2023.09.24

麥當勞又有隱藏新食法!最近有港人發現麥當勞「3合1」全新超邪惡甜品,只要叫齊3款麥記食品,就可以自行升級變極靚鬆餅,賣相吸引大批網民讚好,並認為想法相當有創意!

麥當勞不時都會推出新款美食,其中全新酥皮朱古力批登場後,亦有不少港人專程走去試食,不過僅食一個批,未必可以滿足到部分人的「甜品胃」!最近就有港人就發揮創意,於Facebook群組「香港雪糕關注組」分享,在麥當勞分別以一份酥皮朱古力批、一份阿華甜脆脆熱香餅,以及一杯Oreo麥旋風,自製全新「3合1」麥當勞甜品。

從相片中可見,樓主將阿華甜脆脆熱香餅做底,上面直接倒上Oreo麥旋風雪糕,再將分半的朱古力批插上,驟看猶如甜食專門店售賣的鬆餅甜品般,相當震撼,吸引大批網民讚好,直言「好似幾吸引咁」。有網民認為麥旋風溝朱古力批,想法實在新穎,又指該朱古力批幾好食,坦言「3合1」賣相可以媲美坊間cafe,一份隨時可以賣逾百元。大家有興趣亦可以自行試整!

如此有趣的麥當勞甜品新食法,亦讓部分網民想起今年中旬,亦有澳大利亞女網紅曾經於TikTok分享自創的薯餅麥旋風三文治,隨即掀起熱潮,引來新加坡麥當勞官方注意更一度和應,限量免費送出以2個薯餅和Oreo麥旋風組成的三文治,不過好味與否就見仁見智喇!

資料及圖片來源:FB@香港雪糕關注組(版主授權使用)、FB@McDonalds.SingaporePost

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓