全港最抵食早餐？平日返工趕時間，最方便就是一個包、一件三文治，最近有網民就分享，食到一份$10餐蛋三文治，不但價格便宜，而且內餡相當足料，引來大批網民讚好，並直言「去返我小學個價」！
香港不時都有抵食早餐，最近有網民於Facebook群組「香港茶餐廳及美食關注組」發帖，笑指自己窮到僅夠錢食一份$10餐蛋治，並附上一張三文治的相片，稱「食完就要開工」。從相片可見，該$10餐蛋治望落份量十足，內裡夾著一大片午餐肉，以及煎至金黃色的新鮮雞蛋，相當足料！
新鮮三文治賣$10份，可謂是非常抵食，隨即吸引大批網民讚好留言，有網民大讚「平嘢都有好嘢食」 、「起碼午餐肉唔會薄到識飛」；部分更直言是時光倒流價，猶如小學時代價位，「20年前學校canteen（食堂）都要$7啦」、「依家$10蚊都買唔到個腸仔包」，引來不少人好奇三文治的出處。
樓主回覆表示，該$10餐蛋治出自太子的「根嫂小食」，認為味道不過不失，「$10蚊我覺得超值，好過食空氣包」。此外，他又指小店除了餐蛋治，亦提供其他款式三文治，而且有$20蚊雙拼湯麵，價錢親民，難怪有不少人想光顧！
點擊圖片放大
資料及圖片來源：FB@香港茶餐廳及美食關注組、FB@根嫂小食
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
