日前有女網民在Dcard討論區以「窮人開冷氣嘅執著」為題發文，直指家人對開冷氣有3大執著，「屋企得一個人唔畀開，得你一個嘆咪唔抵」、「未夠30度唔畀開」，而且家人還習慣早上就關冷氣，「朝早6點被熱醒嘅人，瞓得4個鐘，佢熄冷氣搞到我發惡夢、熱醒瞓唔返」，這番行為令她感到不滿，更大呻「其實差個少少錢點解唔畀人養好精神」。
其後樓主又在留言區補充，指自己平時都有「畀家用」，即使在家工作（簡稱WFH）做到滿頭大汗，但家人還是拒絕開冷氣，「今日wfh，做到心口出晒汗，工作枱個位係風扇唔可以直吹到，開窗又冇乜風，救命」。其後她又憶述有段時間天氣潮濕，「成地笠黐黐、張床濕笠笠，屋企都唔肯開冷氣」，她表示家中雖然有抽濕機，但家人同樣拒絕開，「由你濕到唔舒服，唔明差少少錢點解要令自己咁難受」。
帖文一出，隨即引起網民共鳴，不少人認同樓主看法，認為開冷氣「只不過係一樽可樂錢...但d老一輩就係咁 做事全憑刻板印象」、「窮人只會諗慳錢 唔會諗到慳錢嘅同時失去咗啲咩」、「我屋企都係吖，開曬風扇都好熱，但就係唔畀開，又早熄冷氣，成日熱醒」。當中亦有網民認為「錢解決到嘅問題就唔係問題」，建議樓主「直接交晒全張電費單吖，到時佢哋就冇聲出」、「將來搬出去啦」。
另外，也有網民留言表示習慣成自然，「我以前屋企都係，就算過左30度，都係瞓前set timer 2hour咁。不過我都習慣左熱，所以完全冇問題」、「我屋企 33度都唔開冷氣 屋企人又係話慳錢 得部風扇用 （唔著衫舒服啲 真心）」。
來源：Dcard
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
