免費浴室大改造？最近有慈雲山街坊在網上以「房署免費幫我哋整浴缸變企缸！」為題發文，並上載浴室改造前後的相片，成功將整個浴室大翻新，其後更以自身經驗解答網民提問。原來只要符合特定條件，房委會會因應住戶需要提供免費改裝服務，如拆除浴缸改為淋浴間、加裝扶手、加闊大門等，即入內文睇睇啦！
早前有網友在Facebook群組「慈雲山資訊交流」發文，表示自己目前住在慈雲山慈正邨，早前他主動向房屋署申請更換企缸，「由申請到上門都等咗幾個月」，直到最近房署才派員上門，免費為浴室的浴缸改為企缸，其後更附上工程進行中的照片。
該帖文引起大批網民關注，不少人看到後紛紛表示「我又申請先」、「咁好既？」、「企缸好用」，當中亦有不少網民分享自己的經驗，「我媽屋企都轉左呀」、「之前家人問要年過70先可申請」、「點解咁好有個台嘅？我幾年前因為老豆跌到要整要拆咗個浴缸結果出嚟只係一個平地 去唔到水㗎！」、「我幾年前另外一邊屋拆咗浴缸，佢冇幫我搞個地台，即係原先浴缸嗰個去水位佢封埋咗，我而家見到樓主整完我先至知道原來一直以嚟覺得怪怪地就係咁解」、「房署說要家中滿60歲以上才可以免費改企，否則還原的時候要賠浴缸的錢」。
當中亦有網友好奇改造後的面貌，於是留言表示「整完未？一日可以攪得掂？有無完工相睇？」、「我想知整好系（係）點既樣」，隨後樓主就在留言區分享廁所完工照，從上傳照片可見，原本白色浴缸已被拆除，改為企缸，而且牆身也重新鋪上白色磁磚，浴室地下、淋浴位置則鋪上灰色磁磚。
有網友發現就連紅色座廁、洗手盆都變成白色，於是留言詢問「坐廁紅色？（私人）」、「你除咗坐廁自己改動過要自費，浴缸同洗手盆都免費嗎？」、「好似連坐廁連地磚都換埋」樓主則回覆，「新搬入嚟自己裝修時整的，是自己的」、「淨係得浴缸是免費的，其他的收4617元」。
事實上，房委會有一套既定政策，因應個別人士的需要和實際的環境，為居住於公屋的長者及傷健人士進行單位改裝／調適工程，如加裝室內扶手、加闊大門、改建電器插座高低位置、拆除浴缸並改為淋浴間等，以方便他們的起居生活。至於其他改裝工程，房委會會按個別個案的實際需要，決定是否需要徵詢醫務人員或職業治療師／物理治療師的意見。如租戶同意，房委會亦可以把個案轉介社會福利署或醫務社工，徵詢他們的專業意見後，才為租戶進行特設的改裝工程，房委會相信有關安排能切合他們的需要。如租戶因健康狀況理由，需要進行改裝／調適工程，可隨時向屋邨辦事處申請。
來源：FB@慈雲山資訊交流、新聞公報
」，
App內睇文同睇片可隨時捕捉U Fun彩蛋，
換領現金券及禮品！
↓【送】鴻福堂嚐月精品月餅禮盒！↓
↓迷你流心奶黃／宇治抹茶／陳皮豆沙月餅↓
↓【限時搶⚡】勁賞霜瀛廚師發辦套餐！↓
↓ 嚴謹日本各地時令食材 / 高質江戶前風味Omakase！↓
