飲食業生意不易做，不少餐廳都會設最低消費，以防客人「齋坐唔食」！不過最近有港媽網上發文，指自己早前帶子女到筲箕灣一間冰室用餐，當時她發現店內牆上貼上「最低收費每人$16」的告示，於是她特意叫了一份$60餐點。沒想到用餐期間卻被水吧職員多次惡言「單打」，對方不但斥責她佔用位置太久，又指她「淨係叫一個餐，食咁少嘢要成十杯水」。該帖文一出，隨即引起街坊討論，當中有街坊表示「我未食過呢間，不過聽完都唔夠膽帶我小朋友去食」，即入內文睇詳細事發經過啦！
早前有港媽在Facebook群組「筲箕灣西灣河關注組」上發文，分享與兩名子女不愉快的用餐經歷，她在文中提到一對仔女分別2歲及4歲，早前為了哄小朋友開心，特別帶了他們去筲箕灣一間冰室用餐。當日她也有留意店內「最低收費每人$16」的告示，但由於小朋友年幼，她們吃不下兩個餐，所以便叫了一份價值$60的「全日餐」，3人每人消費$20，看似符合了要求。
等待食物期間，港媽發現水吧職員對她非常不滿，「不停話我淨係叫一個餐」。最初港媽不以為然，但由於餐廳只為她一家三口提供2杯飲用水，於是她再向侍應拿一杯水，沒想到水吧職員再次惡言「單打」，「食咁少嘢要成十杯水」、「一家大細坐咁耐」，對方這番做法讓港媽深感不滿，並在文中補充道，「當時由落單計起只係30分鐘，仲要等咗一段時間先有嘢食，而且餐廳仍然有很多吉位」。
最後，港媽未有與水吧職員對罵，但埋單時忍不住向侍應投訴，「我問佢男人係咪老細，點解公司可以咁樣對啲客？如果最低消費唔係呢個價錢，請寫清楚，唔好搵食客出氣」。當時侍應沒有正面回答她，只是不停道歉，並表示「我哋都受過唔少佢（男人）嘅氣。」
事後，港媽決定網上發文分享是次經歷，並表示「可能大家覺得只係幾張相講咩都得，不過我相信我哋唔會係唯一受水吧男氣的客人，口碑會係證據」，其後更表明自己不會再光顧。
該帖文引起一眾街坊討論，不少人認為店家做法相當離譜，而且服務態度差劣，明明有付錢用餐沒理由要受氣，「多謝你嘅分享經驗，我未食過呢間，不過聽完都唔夠膽帶我小朋友去食」、「香港食市做唔長有原因嫁，唔係經濟差而係人衰」、「又唔係遊客區，街坊生意都咁X串」、「今時今日咁嘅服務態度，執得啦！ 」、「點解而家啲細舖要限最低消費？」、「通常嗰啲寫最低消費、四人卡座之類都唔會幫趁」、「執笠倒閉有原因，唔好乜都𡃤經濟差」。
不過亦有網民指出，也許是港媽與店方對最低消費的定義有不同，才會引起今次誤會，「最低消費$16每位，唔係指最低總消費額$48，係指每人都必須order一樣嘢、一份餐，而嗰一樣嘢唔夠$16都可收夠$16！所以嚴格嚟講係收平咗你$32」。有網民則對此回應，「咁樓主都選擇一個比較貴嘅，諗住1頂3 餐廳又唔寫明幾歲 幾高要開始收人頭…」而港媽其後也有回應，表示自己不介意點餐，但不能容忍無禮對待，「少出街食嘢，真係唔知道，只係按字面意思理解，多謝你提出。如果真係咁，我唔介意伙記提下我哋，會叫返多啲嘢，但我哋唔接受男人單打無禮嘅行為」。
來源：FB@箕灣西灣河關注組
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
