出外旅行當然少不了行李，但原來現在各大航空公司機票的條款都略有不同，搞錯行李限額分分鐘比原先機票還要貴！最近有港媽在網上討論區發文，指自己透過旅遊網站購買了港航飛北海道的機票，本以為已包20kg行李寄艙，沒想到最後卻被收取6位數日圓的行李寄艙費，即入內文睇詳情啦！
日前有港媽於「親子王國討論區」發帖，表示自己早前去了日本北海道旅行，當時她經由旅遊網站Trip.com購買了樂桃航空的機票，由香港飛往大阪，再由大阪飛往北海道，「香港 - 大板（阪） - 北海道（樂桃航空廉航，所以有買行李費）」，至於回程，則購買了香港航空的航班。
港媽表示，她本以為香港航空「不是廉航以為包行李」，沒想到回程當日在櫃檯辦理登機手續時，才得知機票價錢並不包括寄艙行李，當時她因為攜帶了39公斤的行李，被航空公司職員要求繳付100,600日圓（港幣約$5,300）的寄艙行李費用，其後她也發現身邊有不少旅客有同樣狀況，「我見不止我們無買，還有部份旅客情況一樣」，於是她決定網上發文詢問其他網友，「我想知而家香港航空唔包行李嘅咩？」
帖文隨即在網上掀起熱議，有網民指出「香港航空有不同票價，有款係無包行李，行李費需要額外比錢，你買票時無留意？」、「香港航空喺疫情期間已經改變左」、「香港航空有三種票價 冇行李/20kg /30kg」，紛紛直斥事主不但在購買機票時未有看清楚條款，就連出發前也未有做任何功課，計算攜帶行李的重量，「真係交學費疫情後好多野唔同哂，真係要睇清楚」、「如果包行李，買咗既機票會有寫，唔寫即係無包啦 自己有責任去睇，就算包也要知包幾多kg 行李」、「買機票唔好齋睇價錢啊」、「買機票細明必定有寫包唔包幾多kg」。
當中更有網友嘲諷她，「以為，咁你以為係包幾多kg？無上限？香港人真係又一次令我大開眼界。」、「唔知樓主攞住39kg 行李點解唔諗下有冇超重，如果有諗一定會check下機票包幾多先去機場」、「就算包寄倉（艙）行李，你大安旨意包得足？（重量或件數）所以睇都無睇過？」。
帖文中也有不少關心的網友詢問後續，「5000幾，咁最後點？」、「樓主最尾點解決?」更有人建議港媽可當場把行李變成隨身行李或是郵寄回港，「每人7kg，可能當場佢唔識轉彎，唔識打散呢！有d可能要一定要寄倉。我前面已講EMS寄返來，佢應該唔識」，其後港媽亦有對此回應，指自己最後只能乖乖「簽咭」付款，「當時已經俾個10萬幾円嚇傻咗，乜都諗唔到，真係硬食！」、「其實傳統航空呢一般呢係包行李嘅，但係原來個疫情先改、都係預20K囉，兩個人39K」，並表示以後買機票時自己會多加留意，多謝各位網友提醒。
來源：親子王國
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】請您飲Sundrop桔仔水！↓
↓ 清涼消暑必備！原裝馬來西亞進口 / 富含高維生素C / 健康無添加！↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
