香港公屋|3人家庭月入$5萬用1理由成功住公屋?港男呻不公:唔駛排8年就有公屋

文: 黃樂恩
2023.10.18

香港公屋供應緊張,加上對入息要求極嚴格,不少人都會諗盡方法上樓!最近有網友發文分享親戚家庭狀況,指親戚的小兒子以「照顧老人」為由,成功通過入息審查,加名入住公屋,此事令樓主深感不忿,「3人家庭搵5萬都可以上到公屋」、「對排咁耐公屋既人真係唔抵呀」。

早前有網友於Facebook群組「公屋討論區」發文,指親戚一家住在公屋的中房單位,多年來經歷多次除名遷出後,最後只剩下老人家一個,「1個人一路就住左廿年」。近年親戚家的小兒子經歷離婚再婚、賣私樓租屋住,與再婚妻子生下小朋友後,決定一家三口搬回母親住的公屋。

其後樓主補充道,親戚家的小兒子「3人家庭搵5萬」,當時他們以照顧老人家為由申請加名,沒想到竟然成功通過入息審查,順利在母親一直居住的公屋加名,「又加到喎,話照顧老人家加名,唔洗(駛)排8年,就有返公屋 」。但此事令樓主感到相當不滿,他指出現時公屋的新申請,3人月薪共5萬元根本是無法申請,但加名限制較寬鬆,「4人入息唔過6萬就得 連資產有90萬都唔過額」,而且不用重新輪候就可以住在公屋,「對排咁耐公屋既人真係唔抵呀」。

該貼文隨即引來大批網民留言,不少人詢問「可以加番名?」、「點解會加倒(到)名既?唔係話剷除咗,就永遠不能加返嗎?」其後有網民留言解答,「天倫之樂加名,只要公屋戶籍年年過65歲,子女通過入息審查就可以加名,但只限1位」、「如家人只有老人家,而沒有仔女同住,因要照顧年老父母,就可以申請加名」。

亦有網民認同樓主看法,指現時公屋租戶加名竟如此輕易,對新申請人的確不公平,但樓主親戚也是跟足程序去申請,太懂得利用遊戲規則,「大把人係甘,合法就得」、「遊戲規則就係咁,你只得話人哋識玩」、「你想點?舉報嗎?」、「人地已經加返名,告咩?」、「都無辦法舉報,人地審查過咗」、「呢d咪叫家有一老如有一寶」。

除了加名住公屋,當中更有網民發現不少人會以「照顧老人」為由換大單位或是打尖上樓,首先以照顧老人加番(返)名,之後用舒援(緩)擠迫户(戶)計劃申請附近公屋邨,宜家好多都用呢個方法打尖。」、「仲有個照顧老人計劃(名大約),其家人如有公屋可以申請或更換去老人附近公屋邨,話方便照顧。換樓换(換)大單位話咁易」。

據房委會資料,年長公屋租戶的戶籍內沒有成年子女,可申請加入最多一名成年子女(及其家庭成員),若戶籍有其他成年子女,不論婚姻狀況,都不得申請加入其他成年子女。以此方式申請加名的家庭都要經過「全面經濟狀況審查」,會以修訂後的「富戶政策」水平審查入息及資產淨值限額。

以4人家庭為例,入息超過154,750元或資產淨值逾310萬元才需遷出公屋。加戶後的成年子女要簽承諾書,必需與年長父母和諧生活,正常情況下不能申請分戶。

來源:FB@公屋討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓