公屋廚房門都有得賣？近日有公屋住戶將廚房防煙門拆除後，遂放上網公開兜售，索價$1000並標示需自取，引來大批網民討論，除了大門是否加入晶片追蹤引熱議，有不少人更批評戶主做法不妥，有違公屋租房條約之餘，日後或需面臨解除租約的風險。
最近有網民透過Facebook群組發帖，將公屋拆除後的廚房防煙門，放於網上兜售並標明「黃大仙自取$1000」，惹來不少港人熱議。有網民對公屋住戶大賣內部裝置感驚訝，帖文更遭廣傳至各大討論平台，質疑「原來公屋廚房門拆出嚟可以換錢」； 另外大部分人亦對此舉表示不解，認為「公屋X已經交緊二三千（元）租，連呢啲都要慳」。
記者翻查貼文，發現相關內容現已被刪除，但無阻網民加入討論。有網民欲為住戶平反，認為「人地唔鍾意呢種門咪換囉，有咩問題」，但留言惹來不少負評，有人質疑公屋各類大門已加入晶片，可辨識到屬於哪個單位，覺得「咁都可以換」？而且最大問題是「你歸還公屋果陣要做返還原」，屆時該如何交還原裝門，而且隨意改裝內部設置有違租約，需要面臨罰款。
然而，都有網民表示，「幾十年後嘅事再算啦」、「還原唔到咪俾錢房（屋）署」、「再者有幾多人會還公屋，還得都唔怕你罰錢啦」；有人就分享房屋署提供的還原價單，上面詳列公屋各項收費，涵蓋廳房、廁所等大門、防水地台等設施，費用至$5833.62不等，而根據房屋署指引，拆除或還原廚房門價錢分別為$4,239（連框）及$3,419（不連框）。不過網民直言，除了擅自改動內部設施，最大問題是「攞黎賣」，因而備受批評。
根據公屋租約條款，事前未經房屋署書面同意，租戶不得改動單位內任何固定裝置、間隔或其他架設。如違規改動，即屬違反租約條款，住戶須自費糾正或還原，如不能還原，或不配合修復工程，有可能遭終止租約。租戶如欲改動單位內設備，可參考屋邨辦事處的固定裝置分類列表，以免觸犯條款。
公屋12類不准改動裝置
房屋署把公屋單位內提供的各式固定裝置分為甲、乙、 丙三類。其中甲類裝置包括及不限於以下12項：
1. 樑 / 柱 / 樓面 / 結構牆 / 花槽／冷氣遮簷 / 預製內牆 / 廚房、廁所或浴室間格牆
2. 大門及廚房門：隔火門、框及小五金
3. 大門及廚房門：門頭氣鼓
4. 隔音窗（包括隔音板）
5. 油兜
6. 隔音露台與客廳之間隔牆 / 窗、矮牆、露台門、垂直 / 傾斜板及雨水槽、隔音板
7. 糞渠及污水渠直筒、雨水渠直筒、地台去水及防火環
8. 喉管槽
9. 食水及沖廁水裝置主喉管
10. 供電電線（從電房至用戶電箱）
11. 信箱門及鉸
12. 住戶門牌
（上述公屋還原價目單資料僅供參考，價格或有變動，一切資料以房屋署或相關機構最新公布為準。）
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
