近日一段疑似公屋住戶強霸走廊的片段於網上平台遭瘋傳，片段中有住戶在單位門口外擺放個人雜物，驟望尤如額外的雜物空間，包括放置了3架單車/電車、儲物櫃等大型物件，網民直言未見過如此誇張，「擺到好似自己屋企範圍咁」，認為頗為過份！
最近有一段疑似公屋住戶強霸走廊的片段，於社交平台上廣傳。有網民於Facebook「公屋討論區 - 香港facebook群組」分享短片，並指「有啲咁嘅鄰居都幾慘」，同時寫上「申請調遷」標籤。
走廊盡處堆滿大型雜物 3架單車（電單車）、儲物櫃
從影片所見，拍攝者拍下疑是屯門寶田邨的某層單位，雖然影片像素頗低，但仍然可以看到該走廊盡處的2個公屋單位，門外位置堆滿大型雜物，包括擺放了一連3架單車或電單車、膠椅等，靠牆位置更放有一大個儲物櫃，上面更晾掛一條看似曾使用的毛巾，有關位置疑已當作私家範圍使用，而且雜物數量頗多，驟看擁擠不堪，惹來非議。
網民：擺到好似自己屋企範圍咁好過分
不少網民對於住戶「利用」公共範圍頗感不滿，而且憂慮引起安全問題，認為「其實擺還擺，咁樣擺到好似自己屋企範圍咁好過分喎」、「阻塞走火通道，有火警會好危險」，直言未見過如此誇張。有人就批評雖然單位處於尾位，無阻前面走火警通道，但認為此舉有違公屋規例，質疑該管理公司「無巡查」、「任由租戶霸佔公眾走廊」，正常情況應該需按規例「扣分」，否則對其他住戶有不公之嫌。
有部分網民就覺得，「尾房有時就有啲人係咁，因為都無其他人行走廊，如果唔係你門口擺就等管理處處理」，認為未有造成滋擾，未至於因此而申請調遷；都有人就認為，「人哋火警都係塞住自己」、「佢哋兩戶（都有）自己物品，如果只係單方面的話，就無話可說」，但認同的確有違公德心！
資料及圖片來源：FB@公屋討論區 - 香港facebook群組
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
