早前有財困男在網上發文，詢問網民「3500蚊點捱1個月到月尾出糧？」該帖文一出，隨即引起大批網民關注，不少人主動關心事主情況，並留言分享如何慳到盡，「街市麵包舖臨收工前好平」、「錢大媽2300後所有放出來既嘢都係免費」，當中更有網友制作「每月花$300計劃」，教樓主從衣食住行方面慳住使錢，即入內文睇詳情啦！
最近有港男於「香港討論區」上發帖，他在文中表示自己陷入財政困境，接下來一個月只有$4,500可用，扣除必要開支（如手機費、上網錢）後只剩下$3,500，於是發文向網民詢問「點捱到10月底出糧？」該帖文引起大批網民關注，不少人主動關心事主情況，「咩事咁窮呀？」、「$4500洗一個月？」、「仲少過D菲傭，但係人哋包食包住」，當中更有網民表示「仲少過啲菲傭，但係人哋包食包住」、「$4500一個月點生存到呀」。
很多網民紛紛留言教路「兩餸飯一日分兩餐？有D檔冇限加飯」、「餐餐去m記食二手野」、「街市麵包舖臨收工前好平，買聽日三餐麵包都唔使廿蚊」、「錢大媽2300後所有放出來既嘢都係免費」、「揾多份工喇！祇有返工先可以無時間洗錢」、「日日食兩餸飯或者公仔麵」、「其實自己煮都會慳好多，一個星期出去食一餐算，娛樂咪去跑步游水打波踏單車去圖書館，你正常搭車咪幾百蚊」、「樓主可以去食肆做兼職！有錢收又有得食！雙贏！仲睇下有無嘢留明天食！又慳番D」。當中更有網民分享「每月花$300計劃」，教樓主從衣食住行方面慳住使錢，如「沙灘有沖涼」、「上的士扮冇帶銀包，中途落車」、「去倉做看更，申請晚上瞓倉」、「街市有$20飯（夠當兩餐食）」等方法，詳情如下：
點擊圖片放大
但亦有不少人認為樓主若不用交房租家用，每月$3500已經「夠晒用」，除開每日都有$100多的洗費，「一日一百過唔到？」、「每日有$110都話唔夠駛？」、「有地方住，唔洗比家用，完全無問題」、「每日百幾蚊，有剩添啦」、「有得痴住痴水電用，就冇問題。」。
來源：香港討論區
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
