私家車違泊被放上網車主疑求刪帖？驚曝老婆唔知「我去搵女朋友」事主蒲頭認錯：係我犯賤
日前一輛私家車違泊被拍照放上網公審，豈料一名疑似「XX311」車主身份的人士現身，私訊發帖者求刪帖，大曝「果日我係去搵我女朋友」，不想暴露個人行蹤，誰料帖主將對話公開廣傳，「協助」尋找車主老婆，惹來全城笑話。事隔不久當事人終於蒲頭，更拍下短片認錯，承認「係我犯賤」！
最近一輛違泊的私家車惹來滿城風雨，車牌「XX311」的私家車泊在雙黃行車線旁，防礙一輛巴士行駛，遭途人拍下照片並放上Facebook群組，公審車主違泊行為。隨著相片遭廣傳，一名疑似車主人士透過平台私訊，聯絡發帖者求刪帖，大曝自己當日外遇不想暴露行蹤，豈料求情不成，反被公開對話。
從對話截圖所見，該男子自稱是車主，指「因為我唔想畀人知道我係邊出現！因為果日我係去搵我女朋友，我老婆唔知嘅」，惹來全城熱議。有網民更於連登討論區，以「尋求XX311車主老婆」為題發帖調侃，不少市民直言「笑X死，原本無人知」、「其實老婆唔知都（變）好快知」，大食花生睇戲；有人則嘲諷道「偷食泊雙黃，增加刺激感」，指責私家車違泊阻街。
隨著事情發酵，大批市民好奇「而家老婆知道未」？聲稱外遇的當事人就「良心發現」，在凌晨（19日）時分拍片認錯，並上載於個人社交平台，承認自己冒認車主。「我衰多口，係到扮311車主，我無老婆嘅，女朋友都唔多個，係到同車主講句對唔住，係我一時貪玩搞到人哋。」他又寫道：「我犯賤我無聊」，向車主致歉，事件因此水落石出，真車主才免受冤屈。
此外，事件令全城哄動，連城巴都忍不住加入抽水戰，按原帖繪製城巴及私家車違泊的畫面，發帖呼籲駕駛者勿違泊，以免阻塞道路。各位駕駛者都記得注意喇！
資料及圖片來源：連登討論區、FB@香港違泊全紀錄、FB@香港違泊全紀錄、FB@城巴 Citybus
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
