深水埗長發麵家今日（30日）正式結業！深水埗札根逾65年的長發麵家原定11月結業，突然宣布提早於10月30日執笠，一眾支持者始料未及，今急急腳前往排隊支持送別。記者現場直撃店內外人潮爆滿，店家今日更大曝被迫提早執笠的真正原因，不少市民直言大感不捨，爭取最後機會品嚐手打魚蛋、豉油撈麵。
深水埗長發麵家受重建影響結業！屹立深水埗的鐵皮大排檔「長發麵家」，至今已有逾65年歷史，早前曾預告將營業至11月才結業，不過店家日前突發宣布提早結業，改為今日（10月30日）最後一天營業，令不少市民「心嗡嗡」，急忙前往幫襯作最後送別。
長發：牌主威迫要盡快關門 聯絡當局斷水斷電
店家今日親自作出解釋，原本餐廳牌照於11月3日才到期，因此一直對外宣稱11月正式關店，「但係牌主一直威迫我哋要盡快收拾關門，要我哋清咗場佢先可以問發展商攞到賠償，已聯絡當局斷水斷電，所以遺憾地只能做到10月30號」，並對於趕不及來吃的朋友們致歉，「我哋家人非常不捨，生活咗一輩子嘅檔終需永別」。此外，店家又再次作出澄清指「我哋係發展商手上$1蚊都冇攞到」。
現場直擊人流爆滿 老街坊親臨送別嘆不捨
長發麵家自1958年開業，由馬氏三兄弟繼承父業打理，主打地道港式魚蛋麵、豉油撈麵等，更加大賣每日新鮮手打魚蛋、墨魚丸，受不少街坊歡迎，惟早前獲食環署和發展商通知，該地須被收回作規劃發展，臨別秋波之際，早兩周已陸續有大批食客蜂擁至店外排隊。今日是最後營業日，餐廳人流就更加誇張，記者下午3時左右來到現場，已見大批市民排長龍，不少老街坊親臨送別，店內座無虛席，檔主親力招呼客人，忙得不可開交。
街坊期望深水埗重開：香港特色應該保留
居於石硤尾逾10年的李先生表示，自己最高峰一星期食足3次長發牛腩麵，「我覺得佢個牛腩麵好食，果啲麵主要最講究就係湯水撈麵，我係到（幫襯）頭尾10年，當然唔係日日嚟啦，但經過都會過嚟食」，惟近日人龍不斷，需久候多時令他卻步，因此未必特意再排隊，但若日後附近再重新開店會繼續支持。
羅先生一家早年移居加拿大，今次返港，千鈞一髮趕上長發最後營業日。正在排隊的羅生表示對結業感可惜，「香港呢啲街邊檔愈來愈少，其實香港應該保留街邊檔，我呢啲年紀最鍾意呢啲情懷，佢哋係香港嘅特色嚟，係應該要保留落嚟，想刺激香港夜市就一定要諗呢啲」，希望日後可以重開。
早上曾有逾百人等候 食客目擊四姨太特意幫襯
附近街坊陳婆婆就表示，今早起長發店外已見逾百人等候，因此改為下午前來並輪候約1小時，「我哋細個都係到玩到大架啦，都無話可唔可惜嘅，依家話要重建嘛，一定要畀埋個牌照佢嘅」，不過對大牌檔頗有回憶，最後一日都希望來食返碗牛腩麵。另外有數位街坊表示，已故賭王何鴻燊四姨太梁安琪今日亦曾特意來幫襯，直言相當難得，記者抵步時已不見蹤影。
長發麵家 地址
地址：深水埗耀東街14號地下
營業時間：10:30 - 02:30
結業日期：10月30日
長發麵家位於深水埗大排檔位置，地址是深水埗耀東街...詳情瀏覽內文。
長發麵家結業日期為2023年10月30日...詳情瀏覽內文。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
