公屋曬番薯?欄杆位逾50條番薯列隊曬太陽!消防喉堆滿雜物當私地 網民笑:攞返去煲糖水

文: 溫藹紅
2023.10.31

公屋曬番薯?近日有上水公屋住戶,公然在大廈內的公共欄杆位置上晾曬番薯,足足50多條番薯,齊齊「躺平」列陣大曬太陽,連消防喉旁位置更遭公器私用,堆滿發泡膠雜物,引來網民譁然,有人揚言要幫番薯「淋水」、「攞返去煲糖水」!

早前有上水公屋住戶透過Facebook群組「北區靠北」投稿發帖,稱其居於天平邨天朗樓的高層單位24樓,並目睹該層有住戶明目張膽,經常利用公共消防喉位置擺放雜物。從相片所見,欄杆下方的平台上有大批番薯,整齊地平躺「享受」日光浴,目測最少超過50條,數量算是誇張。

此外,消防喉旁邊更堆滿了發泡膠盒、超市購物籃、塑膠椅等,公然佔用公共空間,更疑對消防喉使用做成影響,令樓主看不過眼,遂透過群組詢問「其實係未可以扣分呢」?

大批網民湧入留言,直言「農場咩CXS」、「今次真係偷番薯」、「行過路過唔好錯過」;不過大部分網民均批評曬番薯做法,直言公眾通道「理應唔可以擺放物件」,更有人擔心跌落街或造成意外,惹來大批網民踴躍獻計。有網民打趣道「可以用袋全袋回家中」、「貼張紙喺欄杆:請街坊們吃,請隨便拎」、「淋水快高長大」,甚至是「一個番薯扣一分」,但有人認為最直接理應是「報消防,會上嚟影相再發告票」。

有鄰居經常在走廊的消防喉旁擺放雜物,據其分享的照片顯示,窗台上放了大堆番薯「曬太陽」,令他質疑「其實係咪可以扣分呢?」。大批網民紛紛留言,建議樓主應對方法,笑言「每日幫佢淋返水」、「拎返幾個返屋企食先好去淋水,然後報管理處」。不過部分網民則認為,毋須過於嚴厲對付,「同一屋簷下,唔太過份,除非引到好多小強同老鼠」、「做咩要扣人地分,食哂落肚幫佢地減輕負擔咪算囉」。

資料及圖片來源:FB@北區靠北

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓