香港貧富懸殊嚴重，打工仔為三餐溫飽日夜奔波，部分人更難以食飽穿暖。最近一名女攝影師就透過Faceook發文，分享一杯朱古力新地的故事，指將原本打算扔掉的雪糕，轉贈予路上偶爾碰面且「冇錢買」雪糕的拾荒婆婆，惹來大批網民讚好。
她表示，自己使用自助點餐機時，因「手殘」不小心多買了一杯朱古力新地，但一個人未能食得完，若帶回家去預料會溶掉，正當她在路上思考新地問題的時候，途中遇到一個正在「執垃圾」的婆婆。她膽粗粗上前詢問：「婆婆，你鍾唔鍾意食雪糕㗎？」對方回應表示：「我梗係鍾意食啦，我冇錢買咋嘛！」有見及此，事主將雪糕轉贈給婆婆，婆婆隨即回答：「好啊！多謝你呀！」
事主轉身離開時，內心慶幸沒有浪費掉雪糕，而婆婆就繼續以語帶俏皮兼開心語氣向她大聲喊：「我知你特登買多杯請我食嘅，多謝晒」，令人頗感動容。回家沿路，事主表示好「心噏」。她續指：「唔係因為佢窮到冇錢買雪糕食，而係如果我冇遇到佢嘅話，分分鐘我真係會食唔晒，掉呢杯『有人好想食但係冇錢買嘅雪糕』落垃圾桶，然後個心又好噏好噏⋯」
點擊圖片放大
一杯朱古力新地在機緣巧合下，為他人帶來無價溫暖，如此的「好人好事」，自然吸來大批市民讚好。雖然雪糕非昂貴至物，但網民覺得對婆婆而言特別珍貴，「你（樓主）大可以直接掉（扔）咗佢，又或者食唔晒先掉咗佢，但你選擇咗分享」，一杯雪糕可令到兩個人開心，直言是抵到爛；亦有網民覺得一切皆是命中註定，「註定你無啦啦買多杯新地，註定你遇到一個需要佢嘅人」，最終結下善緣。
都有不少網民對樓主「分享」之舉，感到相當欣賞，「好欣賞你珍惜食物嘅心，鼓起勇氣請陌生人食嘢好唔容易，但你做到」，其實是「施比受更為有福」，連樓主都表示，期望是「亂世中的一點甜」。
資料及圖片來源：FB@Tamarart（授權使用）、HKET圖片庫
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
