屯門沖曬相舖年底結業!歷經30載後繼無人店主感慨:社會對沖曬需求銳減 街坊不捨嘆「時代的眼淚」

文: 溫藹紅
2023.11.07

屯門曬相舖結業!由於近年社會對沖曬的需求銳減,屯門逾30年的老牌沖曬相舖,加上後繼無人,宣布將於今年底正式結業,不少街坊大感不捨,直言自小就在此拍攝學生相、曬菲林相等,形容是「時代的眼淚」。

近日有屯門街坊透過Facebook群組「真.屯門友」發帖,發現區內一間曬相老舖預告結業,難掩傷感之情。位於屯門新墟的沖曬舖「明珠數碼攝影沖曬」,自1990年起啟業,至今已有逾30年歷史,轉眼間經營三分一世紀,多年來為一班屯門街坊沖曬相片、影證件相等。不過,今個月初該店向外張貼告示,宣告將於今年12月31日正式結業。

結業屬無奈之舉 店主:社會對沖曬的需求銳減

從告示所見,店主表示結業實屬無奈之舉,「由於近年社會對沖曬的需求銳減,加之合夥人相繼退休,人力無以為繼」,令大批居民表示不捨。有居民留言表示,「我由幼稚園就係到影學生相、菲林相機曬相」、「一直都係呢度影證件相同學生相,呢度啲相影得好靚」、「我小朋友每年都係去佢度影學生相」。

街坊回憶曬菲林相盛況 感慨沖曬舖變「時代的眼淚」

距離老店結業僅剩約2個月,有網民憶述,回想以前大家都會去曬相舖沖曬6至7卷菲林,惟隨著時代變遷,現今幾乎絕跡,令不少網民感慨,直言自從有了數碼相機及手提電話,配以影相功能後,「好多曬相店都做唔住」,更有人苦嘆「細嘅沖曬舖執得七七八八,得返快圖美」,形容是「時代的眼淚」。

明珠數碼攝影沖曬 Pearl Digital 

地址:新界屯門啟發徑萬成大廈1號B2地下
電話:2452 1177

資料及圖片來源:FB@真.屯門友

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【夏日密密賞☀️】體驗最「Cheeful」夏日😍↓

↓免費換領卡樂B Cheeful® 芝士味粟米條🧀!↓

↓免費換領卡樂B Cheeful® 芝士味粟米條🧀!↓

↓【6月限定雙重賞🎉】!↓

↓ 分享打卡靚相即免費送📸↓

↓ 分享打卡靚相即免費送📸↓