苦候公屋多年，望穿秋水終於成功「上樓」，卻遇上舊樓拆卸重建？早前有港爸在社交平台上分享喜訊，以三人家庭排公屋近9年，近日首派獲派彩虹邨的250呎單位，月租$1,562，興奮道「唔洗再捱貴租」。一眾網友看到該帖文後，除了紛紛送上祝賀，更有不少人提醒港爸「裝修唔好太揼本」、「求其裝修下住著等」，皆因近日盛傳彩虹邨將分期清拆重建，隨時「好快又可以調遷」？
有港爸於Facebook群組「公屋討論區」分享喜訊，指其一家三口輪候公屋接近9年，終在上月獲首派彩虹邨紫微樓，單位面積約250多呎，月租只需$1,562，並於下週一去「攞鎖匙」。他在文中提到彩虹邨雖然舊，但勝在交通方便生活機能佳，方便小朋友返學，不用再捱貴租，又表示自己「唔想再搏，好驚2，3派去順天順利」。
網友看見此帖文後，留言恭喜樓主獲派心儀單位畢業，並大讚彩虹邨是好地方，位置上佳、交通便利，而且舊式公屋間隔較新樓實用好住，選擇該處絕對是最明智的選擇，「恭喜晒！系舊左啲！點都叫做屋吖！重點交通超方便」、「樓主明智 彩虹都唔要既人真心交智商稅」、「恭喜你呀，舊反而大啲，交通方便」、「近港鐵站，巴士站已經贏哂！帖主唔怕舊就得」、「彩虹真係唔駛諗 幾舊都要攞 但唔好低層就得 怕塞渠」、「舊式公屋啲呎數好好駛」、「係舊D，不過交通方便」。
日前有傳媒報道指，傳房委會選定高樓齡的彩虹邨重建，該邨擬於年底將分期清拆重建，涉及11座樓宇，共7,400伙單位受影響。有不少網友留意到相關新聞，紛紛留言提醒樓主「不用揼本大裝修」、「好快重建，求其裝修下住著等」、「之後會重建，裝修唔好太揼本」、「唔好大裝！啱啱今日新聞話將會規劃重建呀」、「政府公佈彩虹重建 你好彩」、「準備拆，不用裝修了」、「溫馨提示你唔使點裝修」、「好快又可以調遷 準備拆舊反而大啲，交通方便」。
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
