吉之島送黃金?港男讚逾20年前JUSCO員工福利!送四條九足金慰勞員工嘆日資最輝煌年代:要做X年先送

文: 溫藹紅
2023.11.15

吉之島JUSCO至今已成集體回憶,不過近日就有港男翻出逾20年前的吉之島金牌,揭當年員工只需做夠指定年數,公司將送出四條九足金以示慰勞,而且重量將按年數遞增,令不少網民慨嘆當年日資的輝煌年代,目前JUSCO已正式易名為AEON,但仍令人回憶起不少往事。

最近有男網民透過「AEON Store關注組」發帖,分享AEON前身,亦即吉之島JUSCO年代的員工福利。他指出,父親23年前任職吉之島員工,屆時做夠最少3年,就可以獲公司頒贈員工金牌,「仲要真係四條九足金,估佢唔到呀」,勁讚當年員工福利「幾好」。樓主續指,2面金牌厚度不一,「3年同5年嘅厚度差一倍」,可見按年數估計,為公司服務時間愈長的員工,可以獲得的金牌將愈來愈厚,就更加值錢喇。

從相中所見,兩面金牌分別收藏在JUSCO的紅色飾件盒內,金牌面上刻有「JUSCO吉之島」的百貨招牌外,下方則分別刻上「三年服務」、「五年服務」紀念金牌的字樣;至於金牌後方亦分別刻上「鑽石皇」及「周生生」名號,並同樣標明「9999」。據了解,香港通用黃金純度是千分之999.9(千足金),即俗稱「四條九」,屬優質足金的認證。

至今「吉之島」已隨時代成為品牌的集體回憶,但仍然勾起不少市民的記憶。有網民直言「嗰個係日資企業最輝煌嘅年代」、「我以前果間(日資)人工高, 福利好, 假期多, 工作量少」,認為以往日資公司頗闊綽且有「人情味」;亦有人分享太古城一間大型日資超市,「佢哋會有個飯堂, 會有飯飛畀員工喺入面食埋」,福利相較現時好。

有疑似AEON現任員工表示,「依家就要做滿10年先有金牌」、「我做26年衹系拎5年,I0年,15年,20年,無咗3年和7年金牌」,形容往事不堪回首,又認為「時代進步福利退步」。

資料及圖片來源:FB@AEON Store關注組、HKET圖片庫

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓