貿發局《設計源流》展覽一次過欣賞10位本地設計師作品

文: a.Ki
2023.11.16

「DesignInspire」係香港貿易發展局為推廣香港設計實力主辦嘅年度盛事,獲香港特別行政區政府「創意香港」贊助。為增加香港設計師和創意初創企業嘅曝光機會,同埋協助佢哋喺內地同亞洲市場探索合作機會,今年新設嘅「DesignInspire In Motion」展覽,以「設計源流」為題,繼上個月喺東京表參道展出後,11月16日至30日返到嚟香港,一連兩個星期喺時代廣場展示本地10個設計單位嘅作品,等大家可以欣賞到具香港文化特色嘅優秀設計項目。

三大單元 展出香港10個設計單位作品
喺時代廣場舉行嘅「DesignInspire In Motion」展覽,透過三大單元展出本地10個設計單位嘅作品,分別係「香港城市景觀」、「(再)工業化」及「傳統與未來工藝」。展覽雲集一眾取材自香港日常城市體驗嘅設計作品,同埋具香港文化特色嘅優秀設計項目。作品不但揭示設計師嘅創作過程,更邀請觀賞者與作品互動,一齊以創新思維詮釋香港嘅傳統文化概念、探索香港嘅獨特城市風景。即刻為大家簡單介紹其中五個參展單位。

Eureka:對社區的再想像
香港獨特嘅城市景觀係唔少設計師嘅創意靈感。本地建築工作室Eureka今次展出嘅作品「Reimagine Our Community」,靈感來自對社區、回憶、建築知識、電影和緊密社區嘅個人認知。兩件建築模型分別透過對香港城市景觀嘅拼凑重組同對香港電影文化嘅重新詮釋,反映創作者對香港嘅抱負和期望。 

Kay Chan:鹹魚的新意
曾經家家戶戶嘅廚房都可能會吊住一條(或多條)鹹魚,但隨著時代嘅變化,我哋嘅口味同埋對食物營養、健康等嘅關注都變得唔同咗,令鹹魚和相關嘅飲食文化逐漸被淡忘。本身係產品設計師和社區互動策劃人嘅Kay Chan(陳韻淇)嘅作品「設計再生:鹹魚」希望從現代角度重新審視呢種食材,創作出「鹹魚醬」和「鹹魚蜂蜜酒」等產品,希望能革新大眾心目中鹹魚嘅形象。大家亦可以一同發揮想象,留言寫低自己嘅創意!

Kevin Kwok:香港道路佈局的獨有風景
藝術家Kevin Kwok閒時喜歡編寫程式和鑽研演算法,締造引人入勝嘅視覺體驗。今次佢設計嘅「Code-Woven Mosaics of the Urban Streets」展覽,特別寫咗個程式,生成香港道路嘅獨特風景,用奪目嘅視覺效果重現香港鬧市嘅街景和道路。大家可以細心觀察演算法下實時生成嘅香港道路佈局,究竟會係好有系統性,定係可能會引起大混亂? 

O&O Studio:從展品了解背後的地區故事
O&O Studio(一持工作室)由陳思安和李雪雯於2018年創立。其展品《小街坊》係與Rehyphenation合作嘅公共空間設計項目,透過收集北角居民嘅二手傢俱,重新設計改造,並保留傢俱所承載嘅社區故事,跨越世代聯繫社區。大家參觀嘅時候,可以透過掃描展品上嘅二維碼,細聽呢啲傢俱原主人嘅昔日生活點滴。 

Sampson Wong:散步也是一門學問
Sampson Wong(黃宇軒)係香港城市學家、藝術家兼作家。喺佢眼中,香港嘅城市建築環境和城市脈絡極具啟發性,只要仔細觀察和漫步,便能發掘出引人入勝嘅事物。是次展覽配合佢嘅新作《城市散步學》,從六大範疇揀選出48幀不同嘅香港城市風景製成明信片,大家除咗可以細心欣賞之餘,更可以揀選心儀嘅「風景」釘裝成小冊子,帶返屋企保存!

大家參觀嘅時候,記得按現場指示完成簡單打卡步驟,即可得到精美禮品乙份!

DesignInspire In Motion—「設計源流」展覽
日期:11月16 – 30日
開放時間:上午10 點 – 下午10 點
地點:銅鑼灣時代廣場地下有蓋廣場
立即瀏覽網上展:https://bit.ly/3uoBUqs

嚟緊12月展覽將會移師到喺亞博館舉行嘅「CHILL11」,到時會有更多本地設計師參與,等大家可以欣賞到更多有香港文化特色嘅優秀設計項目。記得密切留意!


贊助機構:

免責聲明:香港特別行政區政府僅為本項目提供資助, 除此之外並無參與項目。在本刊物/活動內(或由項目小組成員)表達的任何意見、研究成果、結論或建議,均不代表香港特別行政區政府、文化體育及旅遊局、創意香港、「創意智優計劃」秘書處或「創意智優計劃」審核委員會的觀點。

(資料由客戶提供)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用】PHYSIOGEL全新面膜!✨↓

↓ 逆齡秘方㊙️! 實證即時提升肌膚彈性 ↓

↓ 逆齡秘方㊙️! 實證即時提升肌膚彈性 ↓

↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

↓ 大灣區一小時生活圈!最新打卡熱點/熱門美食等!↓