黃埔鎅刀黨?黃埔AEON疑險遇鎅刀扒手!男子全新牛仔褲浪位被「鎅爛」:差啲流血已報警

文: 溫藹紅
2023.11.21

黃埔近日現鎅刀黨?近日有一名男子表示,在黃埔AEON店內閒逛時疑險遇鎅刀扒手,其全新牛仔褲的褲浪位疑似被「𠝹爛」, 以致需重新購買全新牛仔褲更換,直言「差啲流血」店方已報警處理。

有男網民日前(20日)透過Facebook群組「黃埔好東西」發帖,指自己前往黃埔AEON百貨時,疑遇到鎅刀扒手,並附上多張牛仔褲相片。從相中所見,男子的牛仔褲的褲浪位置,出現一個明顯破洞,驟看疑似一條直線的鎅痕,他表示,「小心鎅刀扒手,焗住買咗條褲啊,各位街坊小心啊」,更強調「爭啲流血呀」,感歎「做咗40幾年人,第一次畀人鎅」。

貼文引來大批網民熱議,其中有網民質疑如何確認是被扒手以鎅刀鎅開,認為「似勾到多啲」,不過獲樓主坦言回覆指,雖然沒有看到相關嫌疑人士,不過自己當時身上有背囊,估計是「頂住佢(扒手)」因而失手。他續指,「同埋我嗰條係薄嗰啲牛仔褲嚟㗎」,僅穿一個多星期就被鎅破,「把刀好利冇被口,係我感覺到涼行,所以嗰個口就變成咁,係一條好靚嘅直線」。

都有不少網民就表示擔心,樓主指AEON店方已經幫忙報警,並會透過閉露電視CCTV查看相關片段,惟目前未知是否有人被捕。有網民直言「咁都唔出血,好刀法」,但最重要是「好彩無損傷」、「最緊要人無事」。大家日後出入都多加注意為妙!

資料及圖片來源:FB@黃埔好東西

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓