港女免費送連鎖快餐店砂糖 遭網民狠批:偷人野送俾人

文: 黃樂恩
2023.11.23

近年越來越人關注香港剩食問題,不少港人都會在各社交平台上互贈剩餘食材,減少食物浪費。早前有港女在Facebook一個剩食群組上,免費送出大量連鎖餐廳的包裝砂糖,不少網民看完意見兩極,有人狠批樓主自私又貪心「咁貪心,個個好似你咁拎執笠」、「貪埋貪埋,用唔曬」,但也有網民力挺港女做法無問題,即入內文睇詳情啦!

近日於Facebook群組「食物放提 Free Food Flow」上,有女網民發帖免費送出大量連鎖餐廳的包裝砂糖,「Free今日下午3點左右,大埔中心附近交收,食安自負」。從照片可見到,盒中有多個本地連鎖餐廳的包裝砂糖,目測至少有30多包。

帖文一出,隨即在網上引起關注,網民意見兩極,有人認為樓主之所以會有大量包裝砂糖,都是因為她太貪心所致,「咁貪心,個個好似你咁拎執笠」、「偷人野送俾人?」、「貪埋貪埋,用唔曬,呢啲擺明係餐廳嘅糖」。

但也有不少網民以親身經歷力挺樓主,「我都係每次外賣,剩返好多包糖喺度」、「你有冇嗌過外賣㗎?叫嘢飲通常跟兩包糖」、「外賣每次都跟,點得出樓主係貪?」直指現在很多食肆都會向外賣顧客提供熱飲用的砂糖,樓主只是不需要的食材送給有需要的人,力挺她的做法並無不妥,「貪就唔會浪費時間free」、「如果樓主貪心又點會Free俾大家,有時節儉自己唔用儲埋想送俾有需要嘅人,都是一種美德」、「未攪(搞)清樓主係拎定叫外賣留低就係咁一口斷定人地貪心」。其後樓主亦有留言解釋,她表示公司經常會叫外賣,這些包裝砂糖就是外賣所給予,「呢個係我公司1個星期外賣嘅糖,點解變態,為何變咗貪心,拎返去快餐店佢又唔回收。」

來源:FB@食物放提 Free Food Flow

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓