公屋上樓如同買六合彩一樣，有人歡喜有人愁！早前有港人在本地討論區發文，大呻一家人雖然被獲派皇后山邨新公屋 ，但地點卻非常不方便小朋友上學，家人又不是住在附近，讓他感到非常苦惱，其後更在文中詢問網民「可唔可以申請搬遷？」、「如果有單位可以對調就好啦！」帖文一出，隨即引來網友一片嘲諷，即入內文睇網友點講啦！
早前有網友在「公屋討論區」發帖，指自己一家人被獲派皇后山邨的4人公屋單位，由於當時「乜嘢都冇考慮過，就自己簽咗呢份」，到房署交好按金後「就唔畀我換喇，後悔都冇用」。樓主在文中透露，現時單位內已裝修好，但他認為公屋位置久佳，不方便小朋友上學，同時他也希望調遷鄰近家人的公屋單位，於是發文向網民詢問「可唔可以申請搬遷？」、「可唔可以交出房屋再排過，如果有單位可以對調就好啦！」
帖文在網上引發熱論，大批網友議論紛紛，有人批評事主不知足，也有網友寸爆他當初貪新樓，沒有想清楚便簽約，現在獲派新公屋還要求多多，留言直斥「後悔不如交返出黎比大眾市民啦」、「返去住劏房囉」、「其實派到公屋已經好感恩」、「貪心嘅人、身在福中不知福 用好好少錢可以租到咁好地方住」。
亦有網友認為樓主「調遷」想法相當無知，紛紛嘲諷「講到你好似話哂事，話調就調咁喎」、「住公屋仲咁多要求」、「你話調就調？」、「想調遷，係好難」、「人地誇（跨）區都冇出聲，比番公屋出黎，住私樓，住係學校旁」。但也有網友好心提出建議，指事主可以考慮為子女轉校或是選擇買車代步，並表示「俾啲時間適應喇，交通會越黎越好」、「做開荒牛就係咁嫁喇~最少等多幾年啦。到時交通設施會多返啲」。
」，
App內睇文同睇片可隨時捕捉U Fun彩蛋，
換領現金券及禮品！
【送飛🎟️】請您去《UNISON FEST潛台祭》🎧！
↓ 暑假最強音樂祭！睇KOLOR、Kiri T、雷同二友...↓
↓【U Jetso】健之堂艾草滲透止痛貼套裝！↓
↓ 專業中醫藥教授及註冊中醫師親自調配！無西藥副作用及水楊酸！ ↓
