新聞女王佘詩曼｜TVB台慶劇《新聞女王》播出後由頭帶到尾的佘詩曼，昨晚（11日）再創「癲」峰。佘詩曼施展唔靠對白表情轉換大法，在一場戲裡神轉換6種情緒，再度獲封為「微表情變化」頂峰，演技令人拍案叫絕。
劇情講述Man姐（佘詩曼飾）因萬華女排性侵事件遭飛爺（鄧智堅飾）及梁景仁（佐治，馬國明飾）夾攻，事緣萬華前隊長陸詠恩（胡美貽飾）臨時放Man姐飛機令SNK「開天窗」兼淪為話柄，飛爺與佐治趁機寸爆Man姐，網誌部阿Roy（鄭衍峰飾）亦突入向Man姐發Warning Letter。
事後阿Roy承認是受飛爺指使，當證實一切是飛爺搞鬼後，Man緊接的15秒雖然只說了「明晒」兩個字，但阿佘卻憑幾個簡單的眉目、眼神及嘴角變化，演繹出「原來真係咁」、「咪又係畀我識穿」、「明晒」、「余英飛，你好嘢」、「又玩到咁低手呀？」、「睇吓邊個贏到最後咯」六大情緒變化。
佘詩曼當中猶以眼神飄向飛爺一幕最為凌厲，難怪獲網民激讚「每一格表情都是戲」，更笑指阿佘的演技「學也學不來」：「這段眼神戲封神」、「看到這裡真的被帥死」、「這段值得反覆觀看」。除了與飛爺等人的對決，Man姐與子傑（譚俊彥飾）昨晚的兩場對談戲亦甚有睇頭，除了滿佈粉紅色氣泡及做人哲理外，Man姐在子傑面前展現的「任性」、「傲氣」、「得勢不饒人」等亦相當吸睛，簡單一個揚眉動作已盡顯得戚與自信，難怪獲讚「眉毛都有戲」。
同場加映：【著數慳家王】最新影片
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
