Five Guys新食法!港女實試Five Guys漢堡走包 秒變「生菜包」漢堡

文: 溫藹紅
2023.12.18

Five Guys漢堡包走包?最近有港女實試食Five Guys漢堡包叫「走包」,成功由食包變食「生菜包」,絕對是漢堡包全新食法,引來大批網民討論,不過都有網民甚感不解,「食漢堡包食到咁不如唔好食」,但都有部分網民撐走包,認為未必人人愛食包。

最近一名女網民於Facebook群組「香港茶餐廳及美食關注組」發帖,分享自己去連鎖快餐店Five Guys買漢堡包叫「走包」,指「繼Subway可以走包後,又一新嘗試」,於Five Guys成功以$95購入芝士漢堡包,但強調「走包」,提醒如網民想嘗試可向職員提出要「bunless」。

從樓主上載的多張相片中可見,「走包」後的芝士漢堡包,改為以一大片生菜包裹著原有的漢堡包材料,包括多塊漢堡扒、番茄及芝士等,上下則有生菜覆蓋。根據Five Guys餐牌,亦寫上「ALL BURGERS AND DOGS ARE AVAILABLE BUNLESS(所有漢堡及熱狗均可以走包)」,不過價錢維持不變。

【延伸閱讀】:

Subway新食法!港女實試Subway三文治走包 要加錢先變沙律?網民驚奇:似譚仔轉菜底

譚仔米線新食法?港女研發米線剪成「米碎」獨特食法震驚男友!網民大開眼界

Five Guys走包食法,吸引不少網民讚好兼討論,不少網民雖然相當驚奇,但認為「暴露晒佢哋啲生菜唔新鮮嘅弱點」,認為相中生菜的賣相一般;有網民就覺得,食漢堡食到咁「就不如唔好食」,而且價錢不變感覺頗唔抵。

然而,都有部分網民支持食法,「唔係個個都鍾意食澱粉質,好食嘅話咁樣咬落去大啖肉又有蔬菜水份」,可以媲美泰式生菜包、韓式菜包燒肉。

資料及圖片來源:FB@香港茶餐廳及美食關注組、FB@Five Guys

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓