將軍澳又有扒手黨出沒？近日有港媽在社交網站發文，講述在將軍澳某商場險被偷銀包經歷，她表示當時有一位女子突然「伸隻手入我袋入面想攞銀包」，她察覺有異，於是馬上喝止，對方見事敗即逃走，幸好的是最後未有財物損失，並在文中呼籲一眾街坊出門購物時要保管好財物，提防扒手。
該港媽在Facebook群組「將軍澳主場」發文，指自己上周六（16日）到新都城商場買小朋友聖誕禮物時，突然有一名身穿粉紅上衣、戴黑色帽的女子接近，並伸手到她的手袋內「攞銀包」。當時港媽馬上喝止，對方見事敗便「立即伸返隻手出嚟」，與疑似同黨（身穿白色襯衫的女生）一同衝出店舖。
事件引發網民熱論，不少人留言感謝事主提醒，又指該名小偷未免太猖狂，「好人好姐，咁年輕，咁多工唔做，做呢D，想揾快錢」、「頂帽邊撳到咁低，分明係遮樣呀」，也有網民認為港媽當時應該直接報警，「即使即場捉唔到佢哋但都應該即刻報警，可以睇返CCTV，另外等警察開file，佢哋會加強反扒工作，如果個個都唔報警就會放任呢啲人繼續猖狂！」不過，亦有網民提出質疑，直言「有賊唔夠時間捉佢，又夠時間影佢靚相既？」、「唔通你早知佢係小偷影定相先？」、「但我又好奇，點解你會一早影佢地相？」、「喝止住佢 然後佢就衝出店舖 咁張相點係點影架」，對港媽只拍照不捉賊的做法感到不解。
而港媽也有對此作出回應，她坦言自己「未捉過賊」，所以當時第一反應是檢查有沒有財物損失，到想再追出去時已經太遲，「我話佢嘅時候佢調轉頭向後走，但其實後面唔係出口，佢之後都要拎返轉面要出去，所以我影到佢」，加上當日店內有很多人，港媽大嘆自己「已經吊住佢尾同話比職員知」，但無奈的是，兩名小偷早已「左穿右插」衝出商店。隨後港媽補充道，職員向她表示店舖有閉路電視，「會睇到同認得佢哋」，並表示今次網上發帖公開事件，是希望藉此提醒一眾街坊要小心扒手，「我諗佢哋唔止一次犯案，所以咁純熟同快，我做到嘅只有叫大家提高警覺」。
來源：FB@將軍澳主場
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
