日本城759齊發盈警!網民心痛本地零售生意差 發文力勸港人1招救亡

文: 黃樂恩
2023.12.22

早前日本城和759阿信屋齊齊發盈警,預告10月底止半年的純利大幅倒退!有見及此,最近就有網友在社交平台發帖,落力呼籲港人聖誕新年留港消費,用真金白銀幫襯本地零售業,隨後又在文中揚言「各行業差落去最終受影響自己都有份」,相關帖文引發網民熱論。

據本地媒體《HKET》最新報道,日本城母企國際家居零售日前發出盈警,預期截至10月底止6個月,純利按年減少32%至38%,預期收入將較去年同期下降約4.7%,主要原因是不再有港府的新冠疫情補貼、抗疫物資需求回落、港人報復式出境外遊,以及因極端天氣導致部分店舖設施受損,導致店舖顧客人流減少。而759阿信屋則透露,由於港人外遊人次激增,市面人流大幅減少,加上港人消費意慾明顯降低,疫情後對糧油及急凍食品之需求大跌,導致中期純利按年大幅下挫。

眼見香港兩大零售品牌相繼發出盈利警告,有擔心香港經濟前景的網友在社交平台上發帖,力勸港人聖誕新年留港消費,「香港嘅零售市道已經好差」、「未plan旅行盡量留港支持下消費下」,最後更在文中揚言,若港人仍然抱著自私自利心態,絲毫不理會香港零售業死活,他日遇上大裁員潮時,自己隨時也會成為被裁員的一份子,「各行業差落去最終受影響自己都有份」。

帖文一出,隨即在網上掀起熱議,網友反應兩極,有人認同樓主所言,狂呻港人現在只會北上消費,「個個星期咁多人送錢上大陸,市道點會唔差,香港人好快自食其果,尤其比較低收入個班」。亦有部分網友指出,香港市道變差、零售業生意大減的主因是鋪租,「你同全港業主講吧」、「其實d業主有份玩死巿道,就算經濟差都係咁加租」、「算把啦 鋪租係香港最大死因」。

不過大多數人卻不太認同樓主說法,「自由行唔掂就叫人留港」、「香港啲價錢擺明搵人老襯」、「要救市 係政府同大業主做,我呢啲星斗市民梗係睇價錢」、「佢哋賺錢時有冇平啲賣俾你?」,現在生意大跌時就把「責任」推卸予港人,直斥該行為簡直是「勒索」。此外,該帖文更激發網友的創作意慾,不少人留言指「早晨唔好意思想借個谷一用,我戶口冇錢姐係香港嘅經濟已經好差,想呼籲下大家盡量比d錢我,聖誕新年未plan旅行盡量唔好去比哂d錢我,我冇錢要攞綜緩最終受影響自己都有份」。

來源:HKETHKETFacebook群組

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓

↓ 請您免費飛轉日/韓/泰!↓

↓【免費睇】《香港打卡蛋糕合集》↓

↓50間蛋糕店介紹!附真實食評/選購攻略等↓

↓50間蛋糕店介紹!附真實食評/選購攻略等↓