移民潮下，愈來愈多港人移居外地，除了生活習慣、文化差異，原來生活開支亦是不少家庭、情侶的一大問題！最近有港女在討論區以「同居男友唔肯俾生活費」為題發帖，指自己與男友目前移居外國，大家在移民前達成共識，「我負責讀書佢負責搵錢」，但最近男友近月卻因為1個原因拒付生活費，讓她感到非常失望。帖文在網上引起熱論，不過大數人認為是樓主不對，紛紛留言道「分手返香港算數啦」、「兩個人要計到咁盡」。
早前有港女在LIHKG討論區發文，大呻同居男友移民後突然反口「唔肯俾生活費」，讓她感到非常生氣。她在文中提到，稱自己與男朋友移居到外國，二人在移民前達成共識，「我負責讀書佢負責搵錢，Full time讀書呢段時間，佢會負責哂屋企所有開支直到我畢業」。樓主表示，由於初到埗3個月男友遲遲未找到工作，故所有生活開銷採AA制，直至第4個月男友找到工作後，而樓主亦有找到一份兼職，可以賺少少零用錢搭車食飯、間中跟同學聚會等，「我哋大家都唔洗再燒積蓄」。
直到幾個月前，男友突然大呻工作好辛苦、壓力很大，特別是他的華人上司「淨係識責怪」，讓他產生了想裸辭的念頭。雖然樓主也認同心理健康的重要性 ，但她還是認為男友應該先找新的工作再辭職，「而家呢度Job Market咁差競爭咁大，裸辭完都唔知會失業到何年何月」。
但男友仍表示「真係頂唔順喇」，又指現有積蓄已足以支持到樓主畢業，揚言會繼續負責家中生活開銷，「叫我唔洗擔心，佢會照負責屋企嘅開支，咁我見佢都有考慮經濟方面，唔係一時衝動，就支持佢裸辭」。沒想到，男友裸辭後一個月，當樓主向他拿取當月生活費時，他僅表示願意繳付6成的生活開銷，「我望一望佢，佢仲要好理所當然咁話：『冇收入呀嘛，係咁㗎啦』，佢expect我份Part time可以頂埋剩低嗰4成。
樓主對於男友的做法感到非常失望，直指男友不負責任，「唔係金額問題，而係佢冇對自己講過嘅嘢負責任」，又指二人拍拖交往多年，遇到困難當然一齊面對，若對方是被裁員，她會很樂意夾一半生活費，「即使我份Part time其實真係唔夠頂，要燒埋積蓄我都唔介意」，但現在是男友選擇裸辭，卻又不為自己的行為負責。
樓主補充道，指男友裸辭後仍跟友人去旅行，讓她不禁質疑「真係冇錢到連屋企必要開支都俾唔到咩」，並在討論區上發文詢問其他網友「究竟係我太小氣太計較定係佢真係唔啱？」帖文一出，隨即在網上引起熱論，網友意見不一，有人認為男友「的確係無口恥」，並未有對自己講過嘅嘢負責。
但亦有不少網友認為是樓主不對，「無事就永遠支持對方決定，到無錢洗就企返高地」、「你完全無諗住共患難移咩民，分手返香港算數啦」、「兩個人要計到咁盡」，特別是「我負責讀書佢負責搵錢」的一句話，「老奉要養你讀書？」、「點解佢有責任養埋你」「負責讀書都講得出口，自私到爆」、「冇錢唔好學人去外國，我覺得你男朋友好慘」。
來源：LIHKG 討論區
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
