內地客俾$20欲借住公屋 用1招迫婆婆應承…!婆婆:做咩你搞我啊?

文: 黃樂恩
2024.01.16

日前(14日)網上瘋傳一則影片,內容是有內地男遊客不想租酒店,並打算向一位老婆婆支付$20到其公屋借宿2晚,當時他明言「我去嗰度瞓下覺,我唔想租酒店」,婆婆聽到後果斷拒絕「做咩你搞我啊?唔好搞。唔得,唔方便」。影片引發網友熱議,有人大讚婆婆做法正確,但亦有網友質疑影片真假,紛紛留言表示「聽佢哋講嘢都似係識左好耐,根本唔係大陸人」、「係不係劇情呀!咁樣的事情都會發生?」

該則影片由抖音網紅於影片平台分享,隨後又轉載到Facebook群組「公屋討論區」,片長逾1分鐘。從影片中見到,有男子手持攝像器材在深水埗汝州街與一名老婆婆在街頭上聊天,當時他支付了$20並要求到婆婆的公屋借宿,「到時妳執完,我搬上嚟住喇喎」。

但老婆婆聽到後便果斷拒絕,她激動地說道,「閘住,南昌邨唔可以收留你,你講笑呀?唔得,房屋處公屋唔可以收留人!」當時內地男仍然勸說「幾間房?我瞓廳咪得!我去嗰度瞓下覺啫,我唔想租酒店,我住一兩晚咋喎」,不過婆婆再次拒絕說道:「做咩你搞我啊?唔好搞。唔得,唔方便」最後男子死心並要求取回$20,而婆婆亦爽快答應退回。

相關影片在網上引起熱議,不少網友認為婆婆的做法相當正確,大讚婆婆「好醒目」,「小心,收錢即係分租,隨時會無咗間屋」、「係咪最新騙案呀?入屋偷野或者說公屋放租犯法,比返2萬佢,唔係報房署。」同時也在留言中鬧爆影片中的內地男遊客,「冇錢住酒店就不要來」、「$20好著數?一餐飯都唔得,欺負阿婆」、「分分鐘來個謀財害命㖭」、「叫他去公廁訓!!$20元都可以慳番」,當中更有人建議,「阿婆應該話佢知,警署有得借宿咖!免費仲有奶茶及三文治」。

不過亦有網友質疑影片真假,紛紛認為片中男子不像內地遊客,「不是內地遊客,嗰個係香港人,拍抖音同阿婆講笑」、「聽佢哋講嘢都似係識左好耐,根本唔係大陸人」、「係不係劇情呀!咁樣的事情都會發生?」

來源:FB@公屋討論區

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Cetaphil舒特膚清爽無油保濕水感啫喱!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓ 舒緩乾燥、繃緊和粗糙等缺水症狀!/ 能即時被肌膚吸收!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓