垃圾徵費|港人為慳垃圾費 提議同鄰居共用大袋兼夾錢買$11貼紙?網友笑不切實際:咪傻啦

文: 黃樂恩
2024.01.27

垃圾徵費即將在今年8月1日起實施,相信唔少市民都擔心這筆額外支出會加重生活負擔,想盡辦法看看如何慳錢。近日有人在社交平台發文,提議可跟鄰居們共用一個大袋棄置垃圾,然後再夾錢買$11大型垃圾回收的指定標籤,「每三層樓夾$買張貼紙(指定標籤)」。不過該帖文一出,立即被一眾網友嘲笑,一致認為樓主想法太過不切實際?即入內文睇睇網友點講啦!

港府上周五(19日)宣布,為了讓市民大眾以及業界了解垃圾徵費計劃,原定於今年4月1日起實施垃圾徵費,將延後至8月1日才於全港正式生效。而垃圾袋收費擬每公升$0.11,一般家用15-20公升垃圾袋約$1.7-$2.2,大型垃圾必須貼上指定標籤$11/個,如市民將沒有使用指定袋包妥垃圾,首次定罪最高罰款$25,000及監禁6個月。

垃圾徵費成為全港最受社會關注的議題,不少市民都絞盡腦汁,努力想出「慳垃圾費」的招數!最近有網友在Facebook群組「西環變幻時」上發帖分享他的看法,他提議大家可跟附近鄰居們共用一個大膠袋,然後再夾錢購買大型垃圾的指定標籤,「每三層樓夾$買張貼紙(指定標籤),再用最大嘅膠袋得唔得?」

帖文一出,隨即引來網上一片嘲笑之聲,不少網友認為樓主想法太過不切實際,「貼紙係要自巳攞去垃圾站」、「破壞政府賺錢計數,梗係唔得啦!拉硬!」直言這個方法根本不可行,紛紛留言勸樓主「咪傻啦」。

另外,亦有網友笑稱「我諗住用個貨櫃裝滿晒,再貼張$11」、「可能會有原本執紙皮嘅婆婆,買個大袋去執啲未滿嘅中細袋,洗乾淨平平哋益大家」、「垃圾房工,拎走曬11蚊貼紙先上垃圾車」。

來源:FB@西環變幻時

【衝出嚟玩】最新影片

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【社群送禮】麒麟一番搾啤酒及禮品套裝!↓

↓麒麟一番搾啤酒杯/櫻花富士山杯/櫻花玻璃碟↓

↓麒麟一番搾啤酒杯/櫻花富士山杯/櫻花玻璃碟↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓