碧咸為球迷簽名｜《Tatler XFEST: 香港隊 VS 國際邁阿密》昨日(4日)於香港大球場舉行，美斯全程賽事無落場引發球迷不滿，不過有人愁時有人歡喜，有球迷昨日(5日)從觀眾席衝出球場範圍，為的便是搏得偶像碧咸簽名，幸得最後成功簽名，並於球場上合照留念，獲全場球迷歡呼支持！事後球迷於個人IG上發表感受，表示此生無憾。
碧咸為球迷簽名｜相關帖文
點擊圖片放大
昨日(4日)為《Tatler XFEST: 香港隊 VS 國際邁阿密》正式比賽日，有球迷發佈帖文，講述自己衝出球場為求索取偶像碧咸簽名的經過，事前仲研究過無數相關影片，將一切準備。面對三層欄杆與保安有想過退縮，但最後怕後悔故此下定決心要衝出去。幸得最後成功得到碧咸簽名，並合照留念。全文如下︰
「I did it.
行動代號「決心」
人生第一次下咁大死心，睇曬啲衝落球場嘅片，買埋落場版球衣，簽名筆，帶埋釘鞋(不過冇著)，諗曬所有會發生嘅野。
係衝之前，成個過程我一路都好驚，見到三層欄杆同埋成堆保安。我問咗我朋友好多次，我應唔應該衝。佢問我如果唔衝會唔會後悔，我話一定會後悔，人一世物一世唔想自己後悔，之後就下死心：無論如何一定要衝到落去！
最後真係比我攞到碧咸簽名，仲同我合照，佢真係好靚仔好好人，此生無憾🥹
I did it.
I love you. @davidbeckham
多謝大家。」
點擊圖片放大
碧咸為球迷簽名｜事發影片
該名球迷更於帖文上發佈相關影片，影片顯示球迷於觀眾席上準備出發，惟途中過程連仆兩次，險象環生，更要躲避保安的追捕，幸得最後成功。影片更顯示球迷能夠與碧咸相擁，在球衣上簽名，最後合照留念，更獲全場球迷歡呼支持！
碧咸為球迷簽名｜網民反應
帖文有網民詢問事後後續，球迷表示︰「抄低咗身份證，話之後有可能罰」，亦有網民表示︰「兄弟，我又沖你又沖點解咁大分別？」
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
