港人家中接連有變故父母身亡 網上徵年糕慘遭質疑造假引熱議！網友：搬死咗嘅人出嚟？

昨日（13日）於Facebook群組「食物放提 Free Food Flow」有人出帖，指自己父母先後身故，近日突遭變故導致經濟困難，故網上發文詢問元朗街坊，「如果元朗區有谷友有不要的糕餅，不論過期與否，本人都願意接收，求不浪費食物之餘能讓本人渡過目前難關，感恩」。

帖文一出，即引起大批熱心網友留言，紛紛表示家中仍有不少食物可作分享，「年30蒸嘅年糕、鹼水糭啱唔啱？」、「（蘿蔔糕）1200g 2月16日到期，明天天水圍T Town交收，你方便到取嗎？小小心意」、「我住元朗，有好多野食唔哂可以一齊分享！你pm我」、「我有啲罐頭多咗食唔晒，唔知你岩唔岩」。

但亦有網友質疑樓主造假，「呢排咁多呢d case」、「又係搬死咗嘅屋企人出嚟」、「點解唔去搵社工」，當中更有人在留言中寫道「唔好信呢個人」，指樓主在群組中不停用新Account網上徵食物，「呢個人一次過開幾個Account，住喺元朗，不停開唔同嘅Account問人哋攞嘢食，另外嗰啲Account俾人踢爆咗，又甩底，又開個新Account」。

對此，樓主則表示非常無奈，她在留言區作出回應，指這個Account用了差不多二十多年，自己並未有造假。同時她又表示，稱家中沒有廚房，在網上徵食物只是希望自己可以減少外出餐的機會，盡量把錢留給兩個小朋友，「只係想慳啲，希望收留人哋唔要嘅剩餘物資嚟食，盡量留返啲錢俾細路食飯，咁都有錯？」最後，樓主亦在留言中補充道，「依家食物都足夠了」，並感謝一眾網友的幫助。

不少網友看後留言力撐樓主，「樓主純求食物，有能力又可分享出來的，請抱著幫到的心態不要質疑」、「人地過期食物都唔介意，唔好attack人啦」、「有多餘食物俾人就俾，無亦無必要挑戰人」，紛紛怒斥部分網友欠缺同理心，同時又指出這個Facebook群組原意是食物分享、減少浪費食物，「呢個group本身就係用嚟互助，唔知點解有班人係都要攻擊有需要嘅人」。

+11

+10

點擊圖片放大

來源：FB@食物放提 Free Food Flow